MEXMÛR – Turnovaya Futbol ya ku di pêşengtiya YXA’ê de ji bo bîranîna Şehîd Şîlan Goyî, li Mexmûr’ê li Wargeha Şehîd Rustem Cûdî hatibû destpêkirin duh bi dawî bû.
Li ser armanc û encama tornovayê jinên ciwan wiha gotin:
Dilvin Seven got; “Turnovaya ku di pêşengtiya YXA’ê de hatiye destpêkirin diyarî ji bo şehîd Şîlan Goyî hate kirin. di tornovayê de taxima ciwan û jinên ciwan ve li hember hev du leyîstin. Ji dibistana Navîn û Amadeyî tevlîbûna lîstokê çêbû. Hem di serkeftinê de û hem jî di binkeftinê de me hêzeke mezin girt. Tevlîbûna xwendevanan jî bi coşeke mezin bû. Armanca me ya destpêkê ew bû ku em bal bikşînin ser jinên ciwan. weke têkoşînekê li hember şerê taybet bi werzîşa xwe me da nîşandan. Armanca me ya sereke ewe ku jinên ciwan xwe li her derê bidin nîşandan. Ji bo ku îrade, hêz û baweriya xwe bidin nîşandan. Ji ber ku hêza ku di jin de heye dikare xwe bighîne her armancê. Ger li lîstoka me mabe emê vê zihniyetê bidin tune kirin. jinên ciwan li kuderê dibe bila bibe, bi çi dibe bila bibe heta bila bi gotinekê be jî lê ya girîng divê xwe bide nîşandan û xwe îspat bike. Armanca me tenê lîstin nîn bû armncek me ya pir mezin ji jinê hebû. Jin çawa karibe xwe biafrîne, jiyan û çanda xwe bide nîşandan bû. Me ev yek jî bi coş û kêfxwaşiyek mezin ji her kesên ku amade bûne re dan nîşandan ku em jinên ciwan xwedî hêzin.”
Divê her jineke ciwan pêşengtiyê bike
“Herî dawî ez bangawaziya ciwan û tevahî jinên ciwan dikim ku li hember vê zihniyetê xwedekî hêzeke mezin bin. Ji ber hêza ku li gel jin heye di rastiya her kesî de nîne. Jin bi hêza xwe dikare xwe bigihîne hemû armancên xwe. Divê em lîstoka football ji bo kesayeta xwe biçîk nebînin û em xwe jê dûr nexin. Divê em li gor kevneşopiya civakê neçin û nebêjin şerme divê jin neleyîze. Divê her jineke ciwan vê yekê qebûl neke.ji ber ku ev armanca sîstemê ye. ew dixwazin pêşiya jinên ciwan bigirin, lê belê divê her jineke ciwan hunera xwe derbixe pêş.”
Jina ciwan ya bi navê Viyan Budak wiha dewam kir;
“Di pêşengtiya YXA’ê de me tornovayek Football dabû destpêkirin, ew jî diyarî ji bo şehîd Şîlan Goyî ye. tevlîbûna ciwan û jinên ciwan ve ji tornovayê re hejmareke zêde bû. Ciwanan ev tornova bi coşeke mezin pêşwazî kirin. Armanca me ya herî sereke ew bû ku tevlîbûna jinên ciwan hîn zêdetir be ji ber ku lîstoka Football ayîdî jinên ciwan nayê dîtin. Ji bo ku em jî van qaliban bişîkînin em ev lîstoka xwe dabû destpêkirin. Kêm be jî dîsa em gihîştin armanca xwe. Li her derê cîhanê mafê jinê ji dest hatiye girtin. Weke amûrekê di destê sîstem û zilam de tê dîtin. Ji ber vê yekê jî bêçandiya tacawuz û destdirêjiyên ser jin normal tê dîtin. Jin xwedî îradeyeke mezin e, bila xwedî li mafê xwe derbikeve, weke dibêjin çiqas mirov destê xwe bike yek ewqas dikare tiştan bi serbixwe. Ger jin jî çiqas yekbûna xwe avabike wê ewqas karibe zihniyeta qirêj ser xwe bide şikandin. Ji ber ku jin dayîk e, civak e û her tişt e. Dema ku jin bixwaze wê karibe her tiştî pêkbîne. Bangawaziya min jî ji bo jinên ciwan ewe ku xwe di her aliyê de bi pêşbixînin. Xwedî li îrade, civak û kesayeta xwe ve derbikeve.”
