ZURIH – Çalakvanên ciwan ên Tevgera Ciwanên Şoreşger ên Ewropa li Zurihê li dijî tecrîda girankirî û îşkenceya sîstematîk a 22 salan çalakiyek li dar xistin.
Ciwan saet di 16:30 de li stasyona trenê ya navendî ya Zurichê kom bûn û li vir dest bi çalakiya xwe kirin. Ciwanên ku posterên Rêberê Gelan Abdullah Ocalan vekirin, pankarta ku li ser “Freiheit Für Ocalan, Status Für Kurdistan” (Ji Ocalan re Azadî, ji Kurdistanê re Statû) nivîsandî hildan. Ciwanên ku bi diruşmên bi Elmanî û Kurdî timûtim, ‘Bijî Serok APO’, ‘Es lebe Ocalan’, ‘Alle Besatzer raus aus Kurdistan (Hemû dagirker ji Kurdistanê derbikevin),’ Freiheit für alle politische Gefangene ‘û’ Ciwan Fedaiyên Rêber APO ne’ avêtin.
Çalakiya ku bi şîara “Bi Hev Re Serhildan” û “Ciwan Fedaiyên Rêber APO” bi qasî nîv saetê dom kir, bala mirovên li derdorê kişand, ciwanan daxwazên xwe yên azadiyê ji Rêber Ocalan û hemû girtiyên siyasî re anîn ziman.
