BEHDÎNAN – Endamê Kordînasyona KCR’ê Ferzad Arêz di derheqê Komploya navnetewî Ajansa me Nûçe Ciwan ê re axivî.
Ferzad Arez wiha got:
“Gelê Kurd, gelê Kurdistan bi salane di bin dagirkeriya dagirkerên Kurdistanê de ye. Ji dîrokê ve xwestine gelê Kurd re îspat bikin; tu nikarî bibî xwediyê rêxistinbûna xwe, xwedî îrade û rêberê xwe. Her tim vê ser Kurdan ferz kirine. Ji bo ku karibin Kurdistan û gelê Kurd bikin kole û vê welatê bi tevahî ji nav bibin. Rêber APO weke serokê Kurd, weke rêberekê Kurd, dijî vana giştî derket. Îradeya mirovê azad temsîl dike û bi vê jî karî Kurd bike xwedî îradeyeke azad, xwedî rêxistineke azad û xwedî dîroka kû ew bi xwe binvîse û bixwe bixwîne û şîrove bike. Ji ber vê ra nekirin, dagirker nikarîn vê qebul bikin. Ji ber vê bi her awayî êrişê şexsê Rêber APO kirin. Bi vê awayî ev qirkirina dîrokî ku bi salan e dijî gelê Kurd û hemî rêberên Kurd dane meşandin, dixwazin dewam bikin û ji bo vê pilangêriya 15’ê Sibatê rêve birin. Pilangêriya 15’ê Sibatê, di şexsê Rêber APO de îrade û azadiya tevahî gelan û bi taybet gelê Kurd hedef digre. Rastiyek heye; bi dirêjiya dîrokê gelê Kurd pêşengtiya kîjan şoreşê kiribe, serdem û qonaxeke nû ji mirovahiyê xwestiye. Weke îro jî xuyan e, tekane gelê ku pêşengtiyê ji jiyaneke demokratîk, azad û bi rûmet dike, gelê Kurd e. Ji hemî gelên cîhanê re buye çeperek berxwedanê. Ji ber wê hemî dagirker û kapîtalistên gerdûnî êrişê vê fikrê, vê baweriyê dikin. Ev fikir, ev raman û bawerî di kesayeta Rêber APO de pêk hatiye. Bi fikir û felsefeya ku Rêber APO pêşkeş kirî û bi rêxistina ku Rêber APO pêşxistiye û be renc û keda hezaran û milyonan şehîdê hatî dayin, hatiye ava kirin û kariye xwe cîhanê de belav bike.
Ji ber vê 15’ê Sibatê de dijî va hemiya xwestin Rêber APO dîl bigrin. Bi vê rengê xwestin gelan û îradeya wan bê ser, bê fikir û felsefe bikin, me ji rumet û kerametê qut bikin. Ji ber vê ê li dijî Rêber APO hat kirin li 15’ê Sibatê, li dijî tevahî gelên azadîxwaz e û gelê Kurd jî di nav de. Ji ber gelê Kurd pêşengtiya vê dike, hedef e.
Niha jî dîsa hemî dagirkerên Kurdistanê hev digrin, ser maseyan ru dinin, ku dijî vê gelê, vê rêberê û ev fikra serokatî plangêrî bikin. Ji ber serokatî plangêriya wan bi têkoşîna xwe ya li Îmraliyê, vala derxist. Ji ber vê dixwazin komployê temam bikin. Em weke gelê Kurd di rewşeke wiha de ne ku bareke pir gran dikeve ser milê me, bi taybet jî ciwan û jinên Kurd. Em di serdemeke wiha de ne ku rêberê me Rêber APO, xwediyê fikrê azad, nabe zîndanê de jiyan bike. Ji ber vê gerek em bi bawerî, îrade û bi têkoşîna xwe, zîndanê bişkînin, îmraliyê hilweşînin û bi awayeke fîzîkî rêberê xwe azad bikin. Ev rêbera ku deqe û saniyên jiyana wî ji bo vê ye ku, em bibin xwediyê îradeyeke azad, bibin xwediyê fikrê azad. Bi vê rengî, rastî de em deyina xwe ji dîroka têkoşîna mirovatiyê re, ji milyonan şehîdên cîhanê re, ku ji bo azadiyê hatiye pêşkeş kirin, didin.
Niha pêşengtiya vê azadiyê Rêber APO ye, em gere di têkoşîna xwe de vê pêk bînin. Pêkanîna vê jî wiha dibe; 1. Em Îmraliyê bişkînin, fikir û ramanê rêbertî jiyana xwe de pêk bînin, an jî emê li hember dîrokê şermezar bibin, şermezarê pêşerojê bibin. Ji ber em ew ciwanin, di vê demê de jiyan dikin ku rêberê fikreke bi vê rengê gere di zîndanê de jiyan bike, ev bê kerametî û bê rumetî ye. Tu mirov nikare vê qebul bike. Divê bi îrade û helwesta xwe em vê red bikin û dagirkerên Kurdistanê mehkum bikin. Ji êrişên wan em netirsin û yê ku wan tirsandiye îrade û fikir û felsefeya me ye ku xwe di fikir û felsefeya Rêber APO de rêxistin kirye. Ji ber vê em jî bi soza xwe û helwesta xwe, emê vê dubare bikin. Bi taybet gelê Rojhilatê Kurdistanê, ciwanên Rojhilata Kurdistanê û Îranê, di bin zexteke kujer ya dagirkeriya Îranê de ne. Rojek tune ku ciwanek me neyê girtin, sêdare kirin. Yê me dighîne serkeftinê fikir û felsefeya Rêber APO ye, fikir û felsefeya ku behsa azadiyê dike. Behsa rizgariya jinê dike, behsa parastina xwezayê dike, me teşwîqê dike ku mîna mirov jiyan bikin, bi keramet û rûmet jiyan bikin. Ev jiyana rast e û di oxira vê de eger em rêberê xwe re bibin yek, dikarin xewnên xwe ji bo mirovatiyê û azadiyê pêk bînin. Ji ber vê dem hatiye di 15’ê Sibatê de, bi vê diruşmeyê re ku Em ne komplo ji bîr dikin û nadin jibîr kirin, rê nadin tu kes Roja me tarî bike. Roja me her roniye û her ronî dibe. Her ciwaneke Kurd li her derê cîhanê be bila pêşengtî tevgera azadîxwaziyê û rizgariya mirovatiyê bike. Bi vê diruşmeyê emê ne komplo ji bîr bikin, ne jî rê didin were ji bîr kirin.”
