BERLÎN
Li paytexta Elmanya Berlînê, Jinên Xwendekar ên Kurdistanê (JXK) û Yekîtiya Xwendekarên Kurdistanê (YXK) di salvegera 22’an a komploya navneteweyî de çalakiyeke şermezarkirinê li dar xistin.
Aktîvîstan pankartek bi pira li kolana Spandaû-Berlînê ve daliqandin. Ciwanan pankarta bi wêneyên Rêberê Gelê Kurd Abdullah Ocalan û nivîsa “Free Ocalan” daliqandin, fîşekên hewayî teqandin û dirûşma “Bijî Serok Apo” qîriyan.
HANNOVER
Di salvegera 22’an a komploya navneteweyî de li bajarê Hannoverê yê Elmanyayê, aktîvîstên Tevgera Ciwanên Şoreşger (TCŞ) çalakiyek pêk anîn.
Ciwan bi wêneyên Rêberê Gelê Kurd Abdullah Ocalan û ala TCŞ’ê ketin hundirê trenan û daxuyanî xwendin.
Ciwanan bang li gelê Elman kirin ku bêdeng nemîne û li ber hevkariya dewleta Elman a bi dewleta Tirk re rabin.
MARSÎLYA
Li bajarê Marsîlya yê Fransayê, li qada Belle de Maî, bi şiyara ‘Bes e ji tecrîd, faşîzm û dagirkeiryê re, bi hev re serhildan” aktîvîstên TCŞ’ê mîtîngek li dar xistin.
Di çalakiyê de tecrîda giran a li ser Rêberê Gelê Kurd Abdullah Ocalan hate şermezarkirin.
Ciwanan di çalakiyê de wêneyên Ocalan û ala PKK’ê hildan û berxwedana gerîla ya li Garê silav kirin.
