AMÛDÊ – Di çarçoveya Pêngava ‘Em Dibêjin NA’ de, roj bi roj çalakiyên Jinên Ciwan li hember zihniyeta baviksalarî û koletiya dewletê re li qadan zêdetir dibin. Bi vê boneyê Ronahî Ibrahîm a bi temenê 14 salî ya ku ji bajarê Serê Kaniyê bi malbata xwe re koçberî Amûdê bûne, nerînên xwe ji ajansa me re parvekir û got; ” Bê mafiya ser mafê jin tê kirin pêwîste jin mafê xwe biparêze û em ji zewaca temenê biçûk û tundî re bêjin NA”.
Ronahî Îbrahîm wiha dest bi axaftina xwe kir û got: “Beriyê hezar salan jî tundî ser jin dihat meşandin, civak jin wek pirsgirêkek didît. Niha jin bi temenê biçûk tên zewicandin li gorî berê hejmarên Zewaca Temenê Biçûk kêm bûye, lê em dixwazin bi giştî em xilas bikin. Jin 13’ê salî ji dibistan tê derxistin di 14 saliya xwe de jî tê zewicandin piştî demekî kêm tê berdan, em bipirsin çima wisa ye, ew zihniyetekî hezar salaye xwe di mejiyê civakê de hatiye avakirine. Pêwîste civak ji vê zihniyetî xilas bibe. Jin tê berdan an xwe dikûje ji ber derdor malbat tiştên xerab nebêje lê pêwîste jin vê qabûl neke.
Mijarê me zewaca bi temenê biçûk e lê tenê ne ev e milekî vê yê din jî heye carna malbat bi zorî dizewicîne carna jin xwe dixwaze vir de jî pirsgirêk ev zihniyeta nav civakê de ye ji ber ku li gorî civakê pêwîste jin heya xwedin nivîsandin bizanibe biçe dibistan pişt re berde ev zihniyet serê jinan da jî hatiye çandin, pêwîste em dijî wan derkevin. Bê mafê ser mafê jin tê kirin pêwîste jin mafê xwe biparêze. Milê malbat de erê başbûyîna zarokên xwe dixwazin lê di vê mijarê de şaşin. Pêwîste wekheviyekî di navbera zilam û jin de hebê. Erê em înkar nakin hin tişt di nav civaka me de baş bûye lê em dixwazin bi giştî tune bikin. Em dixwazin nerîna jin û cihê jin jî nav civakê de hebe, jin ne kêm e.
“Ji ber ku Jina Azad Civaka Azad diafrîne”
Hemû tişt jin dike jin pê radibe lê di nav civakê de her kêm tê dîtin pêwîste jin hember vê bisekine û xwe rizgar bike. Ji ber ku Jina Azad Civaka Azad diafrîne. Yek jin qabûl neke 2 jin qabûl neke em ji vê diyardeyi xilas bibin. Em nabêjin malbata xwe berde biçe riya xerab lê riya xwe bixwe bibîne. 13’ê salî pêwîste bilîze lê zewiciye ez vê zihniyetê re rastî jî nizanim çi bêjim. Piştî hev berdidin jî ji ber malbat tiştek nebêje civak kêm wê mêze neke xwe dikuje. Ev wek xwe parastin tê dîtin lê ne wisa ye, civak wisa ber bi xerabûyinê re diçe.
Herî dawî banga min ji hemû Jinên Ciwan re em ji zewaca temenê biçûk û tundî re bêjin NA!
Bila hemû Jinên Ciwan bi yek dengê mafê xwe bixwazin.
