EFRÎN – Hêzên Rizgariya Efrînê HRE’yê bi daxuyaniyek nivîskî nasnameya 3 şehîdên ku roja 10’ê Nîsanê di êrîşên dagirkeriyê yên dewleta Tirk û çeteyên wan yên li ser navçeya Şêrewa de şehîd ketîn eşkere kirin.
Di daxuyaniyê de gotin, “Hêzên me di pêngava duwemîn a berxwedana serdemê de, li dijî êrîşên dewleta Tirk û çeteyên wan berxwedanek bi quwet dide nîşandan. Dewleta Tirk 10’ê Nîsanê hem li ser erdê û hem bi hewayî êrîşî Şêrewa kirin. Hêzên me ku berxwedanek pir mezin nîşan dayîn, êrîşa dagirkeriyê ya li erdê şikand. Li dijî êrîşên dagirkeriyê di çeperên herî pêş de 3 şervanên me şehîd ketin û 3 şervan jî birîndar bû. Şehîdên me Egîd, Ferman û Xabûr, li dijî êrîşên dagirkeran ti caran gav paş de neavêtine û bi îradeyek pir mezin di nava berxwedanê de cihê xwe girtine. 3 rêhavalên yên şehîd bûne, berpirsyariyên xwe yên dîrokî bi qehremanî bi cîh anîne. Em HRE sozê didin ku em ê tola şehîdên xwe hildan û hesab ji dagirkeran bixwazin. Em şehîdên xwe bi rêzdarî bi bîr tînîn, ji bo malbat û gelê xwe sersaxiyê dixwazin.
Nasnameya şehîdên wiha ye:
Nasnav: Egîd Şerqiya
Nav û Paşnav: Ebdilrehman Mihemed
Navê Dayikê: Îslim
Navê Bav: Hesen
Cih û Dîroka Şehadetê: Şêrawa / 10’ê Nîsana 2020’an
Nasnav: Ferman Bilbilê
Nav û Paşnav: Mihemed Elîko
Navê Dayikê: Emîna
Navê Bav: Fûad
Cih û Dîroka Şehadetê: Şêrawa / 10’ê Nîsana 2020’an
Nasnav: Xabûr Efrîn
Nav û Paşnav: Şadî Celo
Navê Dayikê: Melek
Navê Bav: Cuma
Cih û Dîroka Şehadetê: Şêrawa / 10’ê Nîsana 2020’an.”
