NAVENDA NÛÇEYAN – Balafirên bê mirov ên artêşa Tirk a dagirker gundên Derkarê û Batûfa yên girêdayî Zaxoyê bombebaran dikin.
Balafirên bê mirov ên artêşa Tirk a dagirker, ji saet 10.00’ê berê nîvro ve gundên bajaroka Batûfa û Derkarê yên girêdayî navçeya Zaxo ya Duhokê bombebaran dikin.
Li gorî agahiyên ji çavkaniyên herêmî hatine girtin, balafirên bê mirov gundên Evle, Pîvalan, gundên Şeraniş yê Xirîstiyanan, çiyayê Xantûr, gundê Bosalê, gundê Mela Erebî, Serê çiyayê Dêrê bombebaran dike. Bombebarana herêmê heya van kêliyan jî didome.
Li gorî hinek dezgehên ragihandinê jî balafirên şer herêmê bombebaran dikin.
Ji ber berdewambûna bombebaranê heya niha têkildarî zirer û ziyanên êrîşên dewleta Tirk ti agahiyek ne hatiye bidestxistin.
