NAVENDA NÛÇEYAN – Kampanyayeke navnetewî Riseup4Rojava (Ji bo Rojava serî rake!) heta niha li gelek welatan çalakiyên antî-milîtarîst kirin Riseup4Rojava têkilî çalakiyên ku rojên pêş me wê li dijî dagirkeriya Tirk a li ser Rojava û Bakur-Rojhilatê Sûriyê daxauyanî da. Di daxuyaniyê de hate gotin li Enqerê plana tasfiyekirina Şoreşa Kurdistanê û tasfiyekirina Rojava hatiye danîn, endûstriya çekan a Ewropa, Rûs û Emerîkayê li Rojhilata Navîn bi encama şer her roj karê xwe zêdetir dikin û hate bibîrxistin bi sed hezaran mirov ji hêla dewleta Tirk û çeteyên wê ve bi darê zorê ji Efrînê hatine derêxistin.
Di daxuyaniyê de hate gotin çete li gel malbatên wan li herêmê hatine danîn, sembola Efrînê rûnê zeytûnan di ser Tirkiyê re difiroşin Spanya û Ewropayê û wiha hate goitn: “Tişta ku dewleta Tirk bi “ewlehiya sînor’ qest dike ev e: Paqijiya etnîk û êrîşa çeteyên cîhadî ya li ser xwecihan e. Ne tenê li Efrînê, li çiyayên Kurdistanê û li zindana li dijî van êrîşan û polîtîkayan berxwedaniyeke mezin tê kirin.”
ARTÊŞA TIRK GULEYA KU DAVÊJE JI NATO’YÊ DISTÎNE
Di daxuyaniyê de hate gotin divê hevkariya leşkerî û dîplomatîk a rejîma AKP-MHP’ê ya bi DYE û welatên Rojava û Ewropayê re were teşîrkirin û hate gotin, “Li dijî vê hevkariyê divê em berxwedaniyeke kolektîf bikin. Li Rojhilata Navîn têkoşîna fizîkî ya li dijî cihadiyan divê li dijî polîtîkayên hikûmetên navborî jî eynî demê were kirin. Heke tevgerên demokratîk û şoreşger vê mijarê li medyayya welatên ku lê ne, li kuçe, fabrîka, li odeyên sinifan biryar bidin ku bikin rojev, li dijî faşîzma Tirk û emperyalîzma wê li ya Rojhilata Navîn em dikarin eniyeke dî ava bikin.
Divê em çalakiyên xwe wiha mezin bkin, bikin yek û bînin asteke enternasyonal. Ji protestoyê divê em derbasî asta berxwedana polîtîk a mayinde bibin. Artêşa Trk dema ku guleyê diteqîne guleyê NATO dide. Gelên Kurdistanê û Bakur Rojhilatên Sûriyê wê bersiva van êrîşan bidin. Ev antîfaşîst û şoreşger li welatên xwe de, em ê mekanên leşkerî, dîplomatîk, bazirganî ku bi faşîzma Tirk re hevkariyê dikin dagir bikin, wan reht bikin û asteng bikin.”
ÇALAKIYÊN JI BO PIŞTEVANIYA ROJAVA
Ji bo piştgirîya bi gelê Rojava em ê bi va gavan bavêjin:
1. Em ê şoreş û deskeftiyên wê biparêzin. Em ê tevlî rêya şoreşa li Kurdistanê bibin ku şerê dîyar li pêşberî faşîzma herî radîkal a di vê demê de heyî dimeşîne û ji bo azadiya jin û civakê têdikoşe. Em vê pêvajoya şoreşê li ser xeta Şoreşa Cotmehê, şerê navxweyî ya Spanya û şoreşa Kubayê dibînin.
2. Em ê şîrket û saziyên darayî ên ku alîkarîya leşkerî yan pereyî didin faşîzma Tirk asteng û dagir bikin. Ango kifşkirina rastîya û belavkirina agahîyan, wek çalakîyên mezin û bêîtîatiya sîvîl, hemû beşekî ji wê karan in.
3. Em hemû sazî, hikûmet û hevalbendîyên bi dewleta faşîst a Tirk re nerewa hesab dikin. Pêwîst e em hevkarîya wa lêkolîn bikin û berjewendîyên şexsî ku dimeşînin kifş bikin. Dijminên şoreşa li Kurdistan û Sûrî dijminên me ne jî. Em li hemberî siyaseta dagirkerî yên dewletên NATO û Federasyona Rûsya li Rojhilata Navîn derdikevin.
4. Em ê nehêlin derewên propagandaya Tirk bilav bibin, û bi wê rêyê çavkanîya tesîra faşîzma Tirk qut bikin. Bi karê lobî û propaganda hewl didin îdeolojiya xwe belav bikin û destek bistînin ji şerê xwe yê gemar re. Em ê li hemberî vê îdeolojîyê şer bikin. Faşîzma Tirk dijminê me teva ye. Yekitîya me enternasyonalîzma dij-faşîst e!
Em bang li hemû çalakger û mîlîtan dikin ku tevlî kampanyaya #riseup4rojava (Rabin ji Rojava re) bibin!
Şoreşa li bakur-rojhilatê Surî wê bi ser bikeve. Faşîzma Tirk wê bişkê!
Bijî enternasyonalîzma dij-faşîst!”
