NAVENDA NÛÇEYAN – Hevserokatiya Konseya Rêveber a KCK’ê daxuyaniyeke nivîskî weşand û çalakiyên ku di 12’ê Cotmehê de li qada navneteweyî ji bo piştevaniya Rojava hatin kirin silav kir. Di daxuyaniyê de hate gotin, “Em vê mirovahiya xwedî wijdan û exlaq bi navê gelê Kurd careke din silav dikin.”
Di daxuyaniyê de hate destnîşankirin ku dewleta Tirk a mêtinger qirker ku Kurd jê re ‘Romî’ dibêjin û komploker hemû wê bên têkbirin û hate gotin, “Em pê piştrast in ku gelên me û berxwedêr wê bi xurtî bi hev re bin û heta dagirkeran biqewirînin li ber xwe bidin.”
WIJDANÊ MIROVAHIYÊ RABÛ SER PIYAN
Daxuyaniya KCK’ê wiha ye:
“Rêveberiya heyî ya DYE’yê bi desthilatdariya faşîst a AKP-MHP’ê re li hev kir û di 9’ê Cotmehê dema destpêkirina komploya li dijî Rêberê Gelê Kurd li dijî herêma xweser a Bakur û Rojhilatê Sûriyeyê û Şoreşa Rojava dest bi komployeke nû kir. Bêguman hin hêzên cuda jî di nava vê komployê de hene. Hêzên kapîtalîst modernîst dixwazin careke din Kurdan bikin qurbanê berjewendî û wijdanên xwe yên sar ên mîna qeşayê. Dewleta Tirk jî xwe pêşkêş dike û difiroşe û bi vî rengî dixwaze Kurdan qir bike. Bi polîtîkayeke bê exlaq û zextên faşîst qirker ên di sedsala 21’ê de ku di dîrokê de nehatiye dîtin, dixwaze vê armanca xwe pêk bîne. Vê yekê jî bi amûrên teknîka pêşketî ya komkujiyê dike ku jin, zarok, extiyar her kesî dide ber xwe û her tiştî hildiweşîne. Mîna mirovên li arenayên Romayê bi şêran didin parçekirin, Kurdan li pêş çavên dinyayê dikujin, komkujiyan dikin. Li hemberî vê komployê wijdanê mirovahiyê serî hildane. Bi milyonan kes di 12’ê Cotmehê ji bo piştgiriya şoreşa Rojava daketine qadan. Em careke din van mirovan silav dikin.
Li hemberî vê komployê Kurd jî rabûne ser pêyan, li hemberî van êrîşan gelê Kurd diyar kiriye ku wê careke din li hemberî komployan li ber xwe bide. Heke nerazîbûn neyên nîşandan, ev komployên li dijî Rojava wê li hemberî hemû parçeyên Kurdistanê were kirin. Gelê Kurd ev rastî dîtiye û bi hestên yekîtiya neteweyî rabûye ser pêyan.
WÊ BERXWEDAN BI AWAYEKÎ XURT BIDOME
Şoreşgerên Rojava û gelên Bakur û Rojhilatê Sûriyeyê berdêlên giran dane û bi qehremanî li ber xwe didin. Heta ku gelên cîhanê piştgiriyê bidin wê ev berxwedan bi bawerî bidome. Wekî ku berdevkê QSD’ê jî gotiye, dewleta Tirk a dagirker û komplogeran biryara destpêkirina vî şerî dane lê ew ê gelên Bakur û Rojhilatê Sûriyeyê biryara qedandinê wê bidin. Gelên Bakur û Rojhilatê Sûriyeyê bi berxwedana xwe ji bo avabûna jiyana demokratîk rolên xwe yên dîrokî bi cih bîne.
DEWLETA TIRK WÊ TÊK BIÇE
Ti çek û teknîk ji daxwaza azadî û demokrasiyê ya gel, ji bêrîkirina wê, ji têkoşîna wê ya vî alî ve nikare xurtir be. Nexasim komplo û êrîşa dagirker ku îro di wijdanê mirovahiyê de hatiye mehkûmkirin, çi çek were bikaranîn nikare encamê bistîne. Heke bi rengê ku mirovî, wijdanê mirovahiyê nirxê sereke yê rewabûnê û mafdariyê ye tînin, li bara van êrîşan gelên me û mirovahiya piştevanê gelê me wê bi ser bikeve. Gumana ji vê, gumana ji nirxê mirovahiyê û dîroka mirovahiyê ye. Çawa ku hemû Romayên xurt li bara têkoşîna nirxên mirovahiyê têk çûbin, dewleta qirker a mêtinger ku Kurd jê re Romî dibêjin jî û hemû komploger wê têk biçin.
DESTHILATA AKP-MHP’Ê YA FAŞÎST NE XURT E
Ereb, Kurd, Sûryan, gelên Bakur Rojhilatê Sûriyê berxwedaniyeke dîrokî didin. Êrîş çi dibin bila bibin, windahiyên ku têne dayin çendî giran bin jî, ev berxwedan her roj wê hê xurtir bibe. Komploger çendî êrîşê bînin jî, çendî xwe xurt nîşan bidin jî, çendî zilma xwe giran bikin, xwe xurt dibînin, wê zêdetir qels bibin. Ên ku bawer dikin hêz teknîk û çek e, li bara wijdana mirovahiyê û berxwedana mafdar wê bi mîsogerî fêhm bikin ku qels in û têk biçin.
Gelê me yê hêja û hemû gelên Sûriyê, desthilata faşîst a AKP-MHP’ê ku êrîşê bi ser we de tînin ne xurt in. Berevajî, dema xwe ya herî qels dijîn. Ne ji ber ku xurt in, ji ber ku qels in êrîşê tînin. Deshilata faşîst a AKP-MHP’ê bi vê êrîşê dixwaze xwe li ser piyan bihêle. Hişmendiya mêtinger a qirker û polîtîkayên wan ti caran wiha ne tengijîne, ti caran wiha qels nebûne û nehatine rewşeke wiha ku êdî nikaribin xwe bidomînin. Ji vî alî ve gelê Kurd, hêzên demokrasiyê yên Rojhilata Navîn û hemû dostên li cîhanê divê li dijî dagirkeriyê berxwedanê bi biryardarî bidomînin û van êrîşan bişkînin, hişmendiya mêtingeriya qirker li van xakan veşêrin. Şikandina vê dagirkeriyê wê were maneya pêkhatina Tirkiyeya Demokratîk, Kurdistana Azad, Sûriyeya Demokratîk û Rojhilata Navîn a demokratîk.
Bi vê çarçoweyê em berxwedêran û yên ku destekê didin berxwedêran slav dikin û serkeftinê ji têkoşîna wan re dixwazin.”
