BEHDÎNAN – Navenda Ragihandin û Çapemeniyê ya HPG’ê (HPG-BİM) bi daxuyaniyeke nivîskî ragihand ku artêşa Tirk a dagirker li Şirnex û Bedlîsê operasyonek daye destpêkirin.
Daxuyaniya HPG’ê wiha ye;
“Roja 27’ê Tîrmehê saetên şevê artêşa TC’ê ya dagirker li herêma Navsera Cûdî ya li Çiyayê Cûdî ya Şirnexê operasyon da destpê kirin. Heman rojê balafirên şer saet 22:00’an û roja 28’ê Tîrmehê saet 03:00’an herêm bombeberan kir. Piştî bombeberanê artêşa TC’ê ya dagirker bi desteka helîkopteran bi helîkoptera Skorsky leşker danî herêmê. Heman rojê saetên nîvro operasyon paşve vekişiya û agahiyên têkildarî operasyonê her ku bidestketin wê bi raya giştî re werin parve kirin.
LI BEDLÎSÊ 2 GERÎLA ŞEHÎD BÛN
Roja 26’ê Tîrmehê saet 15:30’an balaifrên şer ên artêşa TC’ê ya dagirker bombe li herêma Şêx Hebîb a Bedlîsê barand. Piştî bombebaranê artêşa TC’ê ya dagirker bi helîkopeterên Skorsky leşker danî herêmê û dest bi operasyonê kir. Operasyon saetên şevê paşve vekişiya û di encama bombeberanê de 2 hevreyên me şehîd bûn. Agahiyên têkildarî nasnameyên hevreyên me yên şehîd wê piştre bi raya giştî re werin parve kirin.
BALAFIRÊN ŞER ÊN ARTÊŞA TIRK BOMBE LI HERÊMA PARASTINÊ YÊN MEDYAYÊ BARANDIN
Balafirên şer ên artêşa TC’ê ya dagirker li dijî Herêmên Parastinê yên Medyayê êrîşên hewayî pêk anîn. Di vê çarçoveyê de;
Roja 27’ê Tîrmehê saet 11:30’an balafiran bombe li herêma Sîsa ya herêma Zê ya Herêmên Parastinê yên Medyayê barandin.
Roja 28’ê Tîrmehê saet 03:30’an dîsan balafiran bombe li herêma Werxelê ya herêma Zê barandin. Di êrîşa li dijî herêma Zê de ti tiştek bi hêzên me nehatiye.
Roja 25’ê Tîrmehê saet 15:00’an balafirên şer bombe li herêma Girê Bayê yê navçeya Gever a Colemêrgê barandin. Di vê bombeberanê de hevreyên me Firat û Serhildan şehîd bûn.”
