EDENE – Li Edeneyê nûçegihana JINHA ya bi KHK’ê hat girtin Fîlîz Zeyrek, di sala 2015’an de nûçeya şîna Şemdîn Eye yê YPG’î çêkiribû. Ji ber vê doz li Fîlîzê hat vekirin. Her wiha doz li dê û bavên Şemdîn û 20 kesên tev li şînê bûn jî hat vekirin. Serdozgeriya Komarê ya Edeneyê îdianame amade kir û Dadgeha Cezayê Giran a 13’an a Edeneyê jî îdianameya bi tawanbariya “endamtiya rêxistinê”, “propagandaya rêxisyomê” hat amadekirin qebûl kir.
Di îdianameyê de hat diyarkirin ku di komputera Fîlîz ku di sala 2015’an de hatibû destgîrkirin de wêneyên der barê şînê de hatine dîtin û ji ber vê lêpirsîn hatiye destpêkirin. Di îdianameyê hat diyarkirin ku 19 kesan wêneyê Şemdîn bi ber xwe vekirine û li ber wêneyê Rêberê Gelan Abdullah Ocalan bûne û îdia kir ku ev sûc e. Her wiha dozger derpêş kir ku Fîlîz di nav “komîteya çapemeniyê ya KCK’ê” de cih digire û wêneyên digire ji çapemeniya rêxistinê re dişîne. Her wiha wêneyê Fîlîz ê li Iraqê kişandiye jî wekî sûc hat hesibandin.
Wê danişîna ewil a dozê sibê li 13’emîn Dadgeha Cezayê Giran pêk bê.
