NAVENDA NÛÇEYAN – Di daxuyaniya têkildarî konfernsê hate dayîn ev hate gotin: “Şoreşa Rojava ya ku bi hezaran şervanên jin û mêr bûne nemir, bi deh hezaran birîndar bûne, bi têkbirina çeteyên DAÎŞ’ê ya hevkarê wê dewleta Tirk a faşîst, gihişte qonaxeke nû.”
Partiya Marksîst, Lenînîst û Komunîst Rojava (MLKP) Bi domdarî ev hate gotin: “Bêwatekirina û valakirina naveroka şoreşa demokratîk a Şoreşa Rojava hedefa hevpar dewletên herêmî yên mêtinger û emperyalîstan e.Şoreşa me ya bi şerê gel ê şoreşgerî re parastin û rizgarkirina xaka xwe ya di bin dagirkeriyê de yek ji erkên me yên di rêza yekem de ye.”
Di dewama daxuyaniyê de ev hate gotin:
“Pêşxistina desthilatiya gel a demokratîk û pêşvebirina rêya sosyalîzmê erka me ya duyemîn e. Li ser vî bingehî pêşxistina sîstema meclîsên gel û komûnan, li qadên çandinî, bazirganî û pîşesaziyê de li dijî têkiliyên milkiyeta kapitalîst, milkyeta gel a kolektîf pêşxistin, şoreşa jinê xistina nava malan, pêşxistina jiyana çandî, enerjiya hilweşîner a ciwanan vegerandina enerjiya şoreşê ya avaker erkên sereke yên komunîstiyê ne.
Em ê bi teqez Efrînê azad bikin. Çi dibe bila bibe em ê şoreşa Rojava biparêzin, em ê şoreşê belavî hemû Sûriye û Rojhilata Navîn bikin. Em ê bi şoreşa Kurdistan û Tirkiyeyê re bikin yek.”
