Rêberê Gelan Abdullah OCALAN
Dîsa weke ku gelek kes dihizirin ev kar li gor kêfan jî nayê meşandin. Hindek kesên ku dibêjin, ” KT em xwarine, em bikaranîne, em zarokên êşîran in, me ji axatiyê para xwe girtiye, tu zêde xwe têkîlî me neke me bi serê xwe berde” hene. Ew kesên van tiştan dibêjin bila baş bizanibin ku, ji dema ku ev yek gotin bi şûn ve dê belayên xwe bibînin. Ez ji van vê yekê dibêjim: “hun dê ne sosretiyan, ne jî bi kêfan rizgar bibin! Şêwaz, tempo û rê û azîneyeke ku hatiye pêşvexistin heye, hun dê li gor wê bin. Wateya Apo hindekî jî ev e. Divê her kes bizanibe xwedî hiş be. Rêhevaltî wisa hevaltiyeke ketûber nîne. Tê zanîn ku ez madî û manevî hêzê li hev dicivînim. Ezê vê hezê hindekî jî ji bo rêhehevaltiyê bi kar bînim. Ez dixwazim bînim ser ziman ku, dê tu kes nikaribe min bi kar bîne, dê nikaribe bi rast û çep ve bikişîne û nikaribe bixe nava serpêhatiyan. Dîsa ez dixwazim bînim ser ziman ku dê tu kes bi lîstokên nexweşiyê ve, bi fêlbaziya gundiyetiyê ve, bi bergerînan ve yan jî bi hestyarî û ketibûnan ve nikaribin pêşiya min bigre. Ez xwedî şêwaz, tempo, hîs, meş û vîna azad im. Û ji beriya her tiştî ez şervanekî azadiyê me. Ez di heman demê de zagonan dibînim û derdixim holê. Di heman demê de disepînim. Ger mirin jî hebe dê ev yek werin kirin. Ji ber ku azadî nirxa herî pîroz e.
Ji bo gelê me azadî ji beriya nan û avê tê. Li gor ku zagon ev e, dê pêwîstiyên zagonê bi cih werin. Apo li cihekî zilamê vê pêkanînê ye. Yê li gor vê be dê were vê peywirê yê li gor nebe dê bireve biçe. Lewma hindek kes bi qandî ku dikarin direvin û diçin. Ger em rastiyeke di vê astê de ne, ger êdî hebûna me teşe girtiye divê mirov vê yekê fêm bike. Em bi ked, pir bi plan, pir hişyar û berpirsyariyekê ve em vê yekê didin meşandin. Em pir vekirî vî tiştî tînin ser ziman; bar hilgirtina zêde peywira we ye, hun dê bizanibin xwe bi rê ve bibin. Misoger pêwîstiya we heye ku hun ji xwe re cihekî çêbikin. Ev ew rastînin ku em her dem ji bo binke tînin ser ziman. Hindek kesên ku dibêjin, “dê partî cih bide me, emê rizgar bin. Dê hindek kes kar bikin emê jî bixwin.” Hetanî ku ez serokê vê tevgerê bim û hetanî ku ev tevger bimeşe ezê misoger derfet nedim ku hindek kes bi xapandinê, bi çewisandinê, bi fêlbaziya gunditî yan jî bi fêlbaziya ronakbiriyê ji xwe re cih peyda bike û nirxên madî û menewî bi dest bixe. Di vê mijarê de kesayeta ku me afirandiye, xwedî dadwerî ye, kedê esas digre û ji bo serkeftinê dimeşe. Ger bi ser bixin cihekî xweş ji wan re heye. Ger alîkarî hebe, tu wê yekê bidî hîskirin eleqe heye. Ger ev werin kirin dê pêhtir bibin xwedî cih. Ez pir eşkere bibêjim ku, gavavetînên xwe nespêre, vê azîneyê, van pîvanên ked, serkeftin, bergeha rast dê tenê belayê bîne. Ji bo vê yekê ez dibêjim hişdar bin. Gotinên min dikarin werin nîqaşkirin. Ez li tu kesî zorê nakim, ger dixwazin bila şer bikin, ger dixwazin bila birazin. Lê divê vê rastiyê jî bizanibin. Êdî weke hebûna misoger vîna gel û otorîteya gel mijara gotinê ye.
Ger dijmingerî jî were kirin, dostanî jî were kirin, ez pir rastîn dinirxînim. Ev yek di heman demê de tê wateya nirxandina gel jî. Soza ku min ji xwe re daye: “Ger tu hebî dê gel jî hebe, ger tu hebî dê azadî jî hebe.” Ev hemû jî bi azadiya gel ve tên peyitandin. Ev rewşên girîng in. Kesek dikare encax wisa xwe derbixe holê. Bi qandî ku tu ji gel î, tu jî heyî. Lê ma tuyê çawa bibî malê gel? Ji bo mirovê ji gel û bi gel re hebe, asta rêxistinê pêwîst dike. Ger tu van nikaribî bi kar bînî, jixwe tu nabî malê gel. Bi qandî ku ez van pîvanan pêk tînim ez ji gel im, ji şer im, ji partiyê me; dê rêz, şanazî û cihê min hebe. Derveyî vê yekê divê tu kes bi tiştên din xwe nexapîne. Divê her kes hedê xwe, tixubê xwe bizanibe. Di vê serdemê de divê her kes bi ser ve biçe. Ez jî hindekî din xwe rastîqînêr dinirxînim. Ji ber ku wateya APO wateya otorîteyê ye, hindek evdal dibêjin, “mirov bi hêza ji rêbertiya partiyê bigre dikare bibe mîr.”
Her şêweyê rihetiyê û hêzê dide pêkanîn, di vê wateyê de rast e. Bihizirin di heman demê de ez mirovê herî tengezar im. Rast û dirûst ne xwarina min xwarin e, ne kirinên min kirin in. Dema ez di vê rewşê de bim, ev kesayet çawa dikarin bi xwe spartina min ve, bi stendina hêza ji min ve qesrên xeyalan biafrînin? Ev encax dikarin weke tolaz, durû û minafiqan werin nirxandin. Mirov çawa dikare wisa ji bo hêzgirtinê û rihetbûnê nêzî mirovekî wiha xwedî pirsgirêkên bêeman û xwedî şerekî giran bibe? Ev helwesteke ketî û bêşerefî ye. Ez gelekî baldarê pîvanên azadiyê me. Dîsa baldarî pîvanên xweşikiyê me. Ger hebin taybetmendiyên te yên wisa tu can, rûh û her tiştê min î. Ger nebe tu ne tû tiştek î û tû nikarî nêzî min bibî. APO ev e, min xwe baş da naskirin. Hindek xwe dikin bin rûpoşan, xwe dikin rewşa bergerîn sergerînê yan jî dikevin nava komplogeriyê. Jixwe ev di heman demê de dibin provakator jî. Û wisa dihizirin ku dê wisa min bandor bikin.
https://www.nuceciwan-kurdi.com/2019/04/25/nirxandin-bi-qandi-ez-bi-ser-dikevim-gel-bi-ser-dikeve/
https://www.nuceciwan-kurdi.com/2019/04/26/nirxandin-bi-qandi-ez-bi-ser-dikevim-gel-bi-ser-dikeve-2/
