Di salvegera yekemin a berxwedana Efrîn’ê de bavê Navdar vegot.
NAVENDA NÛÇEYAN- Şehîd Navdar Serhed (Davut ÖZSULAR) sala 2014 an de ji Elmanyayê tev li refê berxwedanê bû. Navdar, bi eslê xwe ji herema Serhedê bajarê Qers’ê bû. Di sala 1993’an de Bajarê îdir’ê hate dinê. Navdar, Li kuderê, kîngê çi peywir hebe bi biryar û moralek e mezin tev lê dibû. Di nav hevalê xwe de bi taybetmendiyê xwe yê fedaî, kedkar û coş ve dihate nasîn. Navdar, di berxwedana serdemê ya Efrînê de tevî karwana nemira bû. Bi dehan ciwanê Kurd ên paşhatiyê Navdar hene. Di salvegera yekemin a berxwedana Efrîn’ê de bavê Navdar vegot.
Navê Navdar ji girtîgehê tê
Navdar navê xwe ji hevalekî min ê girtîgehê girt. Bavê Navdar diyar kir ku Navdar di sala 1993’an de şehîd ketiye, “dema ez girtîgehê de bûm hevalekî min hebû navê wî Navdar Serhed bû. Rojekî li min pirsî got “jinbira min çi wextî radizê?, min jî got “hin çend meh maye”. Gotibû ” Ger zarok kur be navê min bidinê” 1993’an de hevalê Navdar Şehîd ket. Şehîd Navdar dema hate dinê ez li girtîgehê de bûm. Ji ber vê dema Navdar tev lê dibe vî navî hildide.”
Zarokatiyek bi mişextiyê derbasbûyî
Bavê Şehîd Navdar behsa malbata xwe a bi aliyê faşîzma Tirk ve dûrxistina axa xwe kir. Şehîd Navdar li mişextiyê her dem hesreta welat bû. “Piştî ku sala 93’an de meha 7-8 bû ez hatim berdan sala 94’an de em mecbûr bûn ku Îdir’ê derkevin Wê demê li derbarê min de lêgerîn hebû. EM bi qaçaxî çûn Stenbolê. Ji ber ku em li dûrî welat bûn me zarokên xwe bi girêdayî welat mezin kir. Me hezkirina welat qet li wan teqsîr nekir. Ji ber ku me her dem li wan re bejsa welat kir evîna welat ket bav dilê wan. Dema hatin Stenbolê ji xwe welat dûr bûn, metropolên Tirka bûn, Yek jî ji wira hatina welatekî din ew gelek aciz dikir. Navdar herdem di nav hesreta welat de bû.
Piştî ku hate Ewropayê her dem di nav lêgerînekî de bû
Bavê Navdar diyar kir ku Navdar her dem di nav têkoşînê de bû û wiha berdewam kir; ” Ji xwe zarokê min her tim di partiyê de nav hevalan de mezin bûn. Şehîd navdar piçûktiya xwe de di nav têkoşînê de nav hevala de bû ji ber wê têkoşîn nas dikir. Piştî ku em çûn Stenbolê çend sal şûnde ez derbasî ewropayê bûm û piştre min malbat jî bi qaçaxî anî Ewropayê. Lê şehîd Navdar wê demê zarok bû, 9-10 salî bû. Şehîd Navdar li vir nav kapîtalîzmê de bû lê kapîtalîzm qet nepejirand. Her dem di nav lêgerînekî de bû. Navdar di piçûkiya xwe de her dem bi biryar, rast û bi hevalê xwe re dilsoz bû. Hevalên wî zarokatiyê heya hevalên di nav partiyê. Partî û têkoşînê ve girêdaneke wî mezin hebû. Dema hate Ewropayê jî her tim di nav lêgerînekî de bû û bi hevalên li vir re hin xebat dimeşand.”
Bi destpêka şerê li Rojavayê ve Navdar êdî li Ewropayê hilnedihat
Bavê Şehîd Navdar diyar kir ku Navdar her tim bi daxwaz û biryara mezinkirina têkoşînê de bû û got; “Bi desrpêkirin a şerê li Rojava ve diyar bû ku Navdar êdî nikare xwe bigire. Me ev hîs dikir lê ji me re behsa tiştekî nedikir. Ez jî hinekî xwe ecêb mam, Helalî xwestina wî bi min xerîb hat. 2 roj pişt re li min geriya bû û gotibû “Niha helal dikî? ez diçim.”
Dilovan, şîrîn û alîkarxwaz bû
Bavê şehîd Navdar behsa ciwaniya Navdar kir û wiha got; “Şehîd Navdar zêde ciwantî jiyan nekir. jiyaneke wî ye her tim bi dibistanê û xebatê ve derbas bûyî hebû. Şehîd Navdar zehf girêdayî, malbatê, xwîşk û birayê xwê bi taybetî jî dayîka xwe bû. Girêdayî welatê xwe bû ji ber ku her tim bi xeyala welatê xwe ve mezin bû. Ji ber ku dilovan, şîrîn û alîkarxwaz bû bi aliyê her kesî dihate teqdîr kirin.”
Navdar Partî û têkoşîn nas dikir
Navdar partî û têkoşînê nas dikir. Zordestiya dijmin a li ser Kurdistanê hêrsa Navdar zêde dikir û li ser vî esasî têkoşîna xwe mezin dikir. piştî van gotina bavê Navdar wiha dewam kir;” Sedema tevlêbûna Navdar; ji xwe bi hişmendiya welatparêziyê ve mezin bibû. ew hişmendî hebû. Girêdan û biryariyeke wî wisa hebû. Bi destpêkirina şerê li Rojava ve tevlêbûna Navdar a têkoşînê zêde bû. ji xwe heta şehîd ket di nav me de ragihandin hebû. Bûyerên li Rojava qewimî bûn gelek bandor li ser wî çêkiri bû. Wek grûba duyemîn ya Rojava ji Ewropayê derketibûn. Lê belê ji ber hin sedema nikaribû derbasî Rojava bibe. Rasterast çûbû Başûr û ji wir beşdar bibû. Faktora herî mezin naskirina têkoşînê bû. Rewşa Rojava hêrsa wî hin bêtir zêde kiribû. Piştî ku demekî li Başûr li çiyayê azad ma dixwazin verastkirina wî bidin Ewropayê lê ew naxwaze, ew dixwaze li Kurdistanê têkoşînê berdewam bike. Piştre sazkirina wî Rajavayê dide. Li Rojava demekî xebatên ciwana de cih digire, li wir xebatên rêxistinê de cih digire.
Emê Navdar’an, Xeyrî’yan, Kemal’an her tim di dilê xwe de bidin jiyandin
Bavê Şehîd Navdar di dawiyê de got, ” PiştÎ şerê Efrînê destpêkir derbasî Efrînê bû û li wir şehîd ket. Em wek malabata wî bi wî şanaz in. Helbet tu dê û bav naxwaze zarokê wan temenê ciwan de jîyanê biqete lê ger wana li vê rêya bî rûmet de şehîd bûn dabe ber çavê xwe li me re jî bi wan ser bilind bûn dimîne. Hedefa me ew e ku em layîkê Serokatî, Gerîlla, gelê xwe û şehîda bin. Heya dilopa xwîna xwe ya dawiyê emê di nav têkoşînê de bin.”
