Koordinasyona Jinên Ciwanên Azad di derheqê qetliyama Parîsê û meşa ku 12’ê mehê pêk were daxuyaniyekî weşand. Koordinasyona JCA bangî tevlî meşa Parîsê bibe kir.
NAVENDA NÛÇEYAN – Di 9’ê Çilê 2013 li Parîsê (Fransa) Sara (Sakine Cansız), Rojbîn (Fidan Doğan) û Ronahî (Leyla Şeylamez) ji aliyê endamekî MIT hatin şehîd xistin. Ev êrîş wek qetliyama Parîsê tê penase kirin. Şehadeta wan sê şoreşgeran ji bo giştî jinên cîhanê bû sedama rakirina asta têkoşînê. Wekî her sal, îsal jî wê meşekî li dijî qetliyama Parîsê pêk were. Li 12’ê mehê gelê Kurd û kesên têkoşer li Parîsê kom dibin. Derheqê qetliyama Parîsê û meşa li dijî vê Koordinasyona Jinên Ciwanên Azad daxuyaniyekî nivîskî weşand.
Daxuyaniya Koordinasyona JCA yê wihaye:
“Di 9’ê Çileya sala 2013 li peytaxta Fransa Parîsê sê jinên şoreşger Sakine Cansız, Fidan Doğan û Leyla Şaylemez bi awayekî hovane hatibûn qetil kirin. Li ser vê yekê sê sal derbas bûn. Êrîşkarê vê bûyerê, Ömer Güney, jî bi awayekî ku pir bi guman e li zindana Fransa mir. Pişt re derket holê ku Ömer Güney endamê MIT’ê bû û ji bo şehîd xistina sê şoreşgeran ferman ji Enqerê wergirtiye. Armanca dewleta faşîst ya Tirk ew bu, ku darbeyek li pêvajoya aşitiyê bide û li ser vî esasî tecrîda li ser Rêber APO girantir bike. Di şexsê her sê têkoşeran êrîş di serî de li ser Rêbertiya me, vîn, deng û têkoşîna gele Kurd, bi taybetî li ser jina Kurd hate kirin. Em ê ji bîr nekin, û nadin ji bîr kirin jî.
Şehîd Sara ji giştî jinên ciwan û jinên cîhanê bûye mînaka vîn û berxedanê. Şehîd Sara bû rêhevala Rêber APO û bû sembola berxwedana azadiya jinê. Şehîd Rojbîn bû dengê têkoşîna gelê Kurd. Heval Rojbîn mîlîtanek bû, ku pirsgireka Kurd û berxwedana vê giştî cîhanê re da danasîn. Şehîd Ronahî şehîda yekemîn ya tevgera jinên ciwan bû û bi vê awayî bû sembola tevgera jinên ciwan. Bi sekna xwe û pratîka xwe bi her awayî pêşeng bû. Li ser vê esasî jî divê herî zedê em wek jinên ciwan tola qetliyama Parîsê hildin! Bi qetliyama van hevalan xwestin birdoziya me ya rizgariya jinê, ya Rêber APO pêşxistiye, tine bikin. Em asta têkoşînê çiqas bilind bikin ewqas em ê qetliyamê vala derxin.
Heman demê de, têkoşînekî mezin di şexsa Leyla Güven, û hemû hevalên ku ketin greva birçîbûyînê, li dijî pergala êşkence tê dayîn. Di her çar perçeyên Kurdistan û Ewrûpa de di şexsa van hevalan de berxwedaniyekî asta herî bilind tê meşandin, û ew jî ji bo me jinên ciwan fermana têkoşînê ye! Erkê me ew e ku em dengê vê têkoşînê bibin. Bi çalakiyan û rêxistinbûyînê em dikarin rolekî mezin di vê şoreşê de bilîzin. Li kudere, û çawa pêwîst bibe, em ê biryarbûyîna vê nîşan bidin! Kolan kolan, bajar bajar em ê slogana Azadiyê ji bo Rêber APO qîr bikin!
Bangawazi me ji serî de ji bo hemû jinên ciwan ên Kurd û enternasyonalîst, û hemû gelên têkoşer e: Bi hejmarekî xurt tevlî meşa li dijî qetliyama Parîsê bibin! Em ê hêrs û biryarbûyîna xwe ji giştî cîhanê re eşkere bikin. Wek jinên ciwan, em ê pêşengtiya vê pevajoyê bikin, û bang dikin: Dem Hatiye, Bi Xwebûyînê Serî Hilde, Rêber APO Azad Bike!”
