YPG`ê bi daxuyaniyekê nasnameya 3 şervanên xwe yên di Qonaxa Duyemîn a Berxwedana Serdemê de şehîd bûne, eşkere kir.
NAVENDA NÛÇEYAN – Navenda Ragihandin û Çapemeniyê ya YPG`ê têkildarî şehadeta 3 şervanên YPG û YPJ`ê yên li navçeya Reco ya Efrînê di 7’ê Tîrmehê de şehîd bibûn, daxuyaniyeke nivîskî weşand.
YPG’ê têkildarî mijarê ev agahî da:
ʺDi çarçoveya Qonaxa Duyemîn a Berxwedana Serdemê ya Efrînê de çalakiyên hêzên me berdewam dikin.
Di vê çarçoveyê de; di dîroka 7’ê Tîrmeha 2018’an de li navçeya Raco ya girêdayî Efrînê di navbera tîmeke me û leşker û çeteyên artêşa tirk a dagirker de pevçûnek qewimiye. Di vê pevçûnê de hejmareke zêde leşker û çeteyên artêşa Tirk a dagirker hatin kuştin lê di derheqê hejmara kuştî û birîndarên dijmin de agahiyên zelal nehatin bidestxistin. Di encama pevçûnê de hevalên me Êrîş Amed, Hîvda Harun Barav û Serhildan Mêrdîn heta guleya xwe ya dawî bi ruhekî fedayî şer kir û şehîd ketin.
Di kesayeta her sê şehîdên me de tevahî şehîdên me yên qehreman bi rêzdarî û bi minet bibîr tînin. Ji bo pêkanîna armanc û xeyalên şehîdên me em ê tekoşîneke bêeman bimeşînin û soza xwe careke din nû dikin.”
Nasnameya şervanên şehîd bûne wiha ne:
Nasnav: Êrîş Amed
Nav û paşnav: Vedat Erol
Navê dayikê: Sûveyla
Navê bav: Yusif
Cih û dîroka şehadetê: Reco /Efrîn-7’êTîrmeh 2018
***
Nasnav: Hîvda Harun Barav
Nav û paşnav: Hatîce Kaya
Navê dayikê: Nesîme
Navê bav: Ehmed
Cih û dîroka şehadetê: Reco /Efrîn-7’êTîrmeh 2018
***
Nasnav: Serhildan Mêrdîn
Nav û paşnav: Mehmed Sidik Ay
Navê dayikê: Xezal
Navê bav: Hisên
Cih û dîroka şehadetê: Reco /Efrîn-7’êTîrmeh 2018
