Ciwanên Rojava û Bakurê Sûryê bi armanca şermezarkirina dagirkeriya dewleta Tirk li ser Başûrê Kurdistanê her wiha êrîşên li ser Qendîlê di 21-6-2018an de meşeke ku du rojan dewam kir li dar xistin.
QAMIŞLO – Meşa ciwanan ku di çarçoveya qonaxa duyemîn ya hemleya SERÎ HILDE de bû bi hezaran ciwan tevlî bibûn. Li gorî ku hatibû pilankirin wê meş di deriye sînor ê Sêmalka re derbasî Başûrê Kurdistanê bûba û ber bi herêmên ku dewleta Tirk a dagirker êrîşî wê dike biçe.
Meşa ciwanan di roja xwe ya duyemîn de û piştî ku gihişt deriye sînor yê Sêmalka ku di navbera Rojava û Başûrê Kurdistanê de ye ji aliye rayedarên PDK’ê ve hate astengkirin û rê nedan ciwanan ku derbasî Başûr bibin û li hember dagirkeriyê bisekinin.
Derbarê vê mijarê de ajansa me ya Nûçe Ciwan hevdîtin bi Şoreş Ronahî ku rêveberekî ciwana ye û di nava meşe de çih dikirt kir.
Şoreş Ronahî di destpêka axaftina xwe de wiha got: Di çarçoveya qonaxa duyemîn ya hemleya SERÎ HILDE de me wek rêxistina ciwanan birya da ku madema di vê demê de ku ev dewleta faşîst ya dagirker di bin pêşengtiya AKP, MHP de ku her çar parçeyên Kurdistanê xistine nava agirekî de ku armaca wan ji nûve dagirkirina Kurdistan û tinekirina nasnameya kurdî , li ser vê esasî xeta gelan ku ji aliye hereketa me ve ji aliye gelên demokratîk ve tê temsîl kirin di şexsê tevgera azadiyê de dixwazin tûne bikin. Helwesta me jî li hember vê yekê diyare, helwesta me jî hertim wê li hember dagirkeriyê û ji bo azadiyê be. Çiqasî dijmin sînor deyne, çiqasî hêzên ku bi navê kurdî tev digerin kirine şirîk û hevkarên xwe ji bo tunekirina kurdan, careke din hêzên welatparêz, hêzên şoreşger ku dagirkeriyê li ser xwe qebûl nakin li ser xeta şehîdan dimeşin û xewn û xeyalên şehîdan pêk bînin û sîlaha şehîdan rakirine ser milên xwe, li ser vê esasî me got emê meşekê li darxînin ji bo piştgiriya Başûrê Kurdistanê ji ber ku di encam de Kurdistan yeke, dijmin çiqas bixwaze me parçe bike wek ku herkes dizane Kurdistan yeke.
Ronahî di berdewamiya axaftina xwe de got: Êrîşên ku li ser Efrînê pê tên, bazarên qirêj ku li ser Minbicê pêk tên, êrîşên ku li Bakurê Kurdistanê pêk tên hem ji girtina siyaset medaran hem jî girtina ciwanan û înfazkirina gel. ji aliyekî din ve dagirkeriya li ser Başûrê Kurdistanê ev bi giştî li dijî gelê Kurdistanê ye. Jiber ku ev pirojeyekî li ser giştî Kurdista e divê em parçe parçe nêz nebin, ji ber ku Efrîn ji Başûrê Kurdistanê çuda nîne eynî hewldanên dagirkirinê ye. Çawa dijmin ji bo tunekirina me seferber bûya divê emjî seferber bibin.
Derbarê meşa ciwanan û astengiya rayedarên PDK’ê de Şoreş Ronahî wiha axifî: Em dikarin heta astekê meşa xwe serkeftî binerxînin, hijmarekî mezin ciwanên ji herêmên Rojavayê Kurdistanê û ji pêkhateyên cûda tevlî meşe bûn. Ev jî jibû me serkeftineke ku hijmareke zêdeyî hezar ciwan bûn.
Ciwan du rojan meşiyan heta ber deriye Sêmalka û gotin emê derbasî Başûrê Kurdistanê bibin li hember dagirkeriyê bisekinin, Rojava û Bşûr dest bidin hev û li hember faşîzmê bisekinin.
Helwesta û hedefa me ji vê meşê ev bû.
Bê gûman di dawiyê de hinek pirsgirêk derketin, rayedarên PDK’e ku li aliye din ji sînor sekinî ne nehiştin ku em derbast bibin. Ji xwe di nava girseya ciwanan de me heyetek avakiribû ku biçe bi rayedarên PDK’e re hevdîtin bike û li ser vê esasî biryar were girtin ku ciwan derbasî Başûr bibin.
Lê rayedarên PDK’ê hevdîtin û heyeta ciwanan qebûl nekirin û ne jî derbastbûna ciwanan qebûl kirine.
Ronahî dawam kir û got: PDK’ê bi tu awayî axaftin û diyalok qebûl nekirine û li hember wê sekinîne.
Hinek ciwanan li hember vê yekê helwestek nişan dan û rwxmî astengiyan xwestin derbast bin û li hember dagirkeriyê bisekinin. Rwxmî ku rayedarên PDK’e tev sîlahê xwe sekinîne û ihtîmale ku mermiyan bavêjin. Me jî li wir daxuyanî da, li ser esasê hevkariya hêzên ku bi navê kurdî tev digerin û destek didin dagirkeran em mehkum dikin û qebûn nakin.
Însanê ku îro bi navê krdetiyê biaxife divê li hember dagirkeriyê bisekine.
Di dawiya axaftina xwe de Şoreş Ronahî bang li ciwanan kir û wiha got: Ev hemleya me ya SERÎ HILDE tene ji bo Rojavayê Kurdistanê nîne, ev ji bo her çar perçeyên Kurdistanê ye.
Ji ber wê çi ciwanên şoreşger di vê dunyayê de hebin îro piştgirî bidine vê şoreşê vê berxwdanê û bi hevre li dijî faşizmê bisekinin.
Ev rayedarên PDK’ê û Erdogan çi bikin jî helwesta me ev dimîne” Berxwedan Jiyane” wek ku şehîd Mezlom Doxan gotiye. Em hîna li ser vê xetê ne û têde îsrar bikin heta serkaftinê.
