PYD‘ê destdirêjiya li ser Başûrê Kurdistanê wekî destdirêjiya li ser tevahî gelê Iraq û Kurdistanê bi navê kir û bang partiyên Kurdî kir ku dimildest kongreya netewî ya Kurdistanê li dar bixin.
NAVENDA NÛÇEYAN – Partiya Yekîtiya Demokraîtk (PYD) têkildarî gefên dagirkeriya Tirkiyê yên li dijî Başûrê Kurdistanê daxuyanî da û bang li tevahî partiyên Kurdistanî kir li dimildest Kongreya Netewî ya Kurdistanê li dar bixin.
Daxuyanî wiha ye:
Dijminhaniya Tirkiyê yên li herêmên Başûrê Kurdistanê / Iraq û israra rêjîma Tirkiyê ya mayînan li van herêman beriya her tiştî sucekî eşkere ye û binpêkirineke li dijî xaka welatekî din e, her wiha qanûnên navdewletî yên girêdayî hirmeta welatên cîranê binpê dike.
Tirkiyê bi pergala xwe û siyasetên xwe yên qirkirin û inkarkirina gelê Kurd destê wê di hemû kirîzên Rojhilata Navîn de ye. Di heman demê de ew bi xwe jî di qeyraneke de ye tê de xeniqî ye û nikare derbas bike. Kirîza hundirîn a Tirkiyê di her aliyan de ye. Aloziya siyasî û ferizkirina rewşa awarte ketiye sala xwe ya 3‘yemîn de. Dewleta Tirkiyê ji hemû beşên civakî, jin û ciwan, akademisyen, leşker, dodwer, mamoste, rojnamevan, hiqûqnas girtine, yên ku li dijî fermanên wan derkevin di lîsteya terorê tê rêzkirin. Bi rastî Tirkiyê veguherî ye girtîngeheke mezin û parçebûyî. Nemaze piştî dagirkirina kantona Efrînê, Efrîna ku pêkhateyên wê bi modêeke demokratîk û sivîl xwe bi rêv e dibir. Lê şansê mayîna dewleta Tirkiyê ya li ser desthilatdariyê pir kêm e, ew jê vê yekê dizane ji ber wê xwest gelê xwe bixapîne û hilbijartinên parlamentoyê û seroktiyê li dar bixe. Ji ber ku kirîza siyasî ya rêjîma Tirkiyê barê kirîza aborî giran kir, êdî Tirkiyê di qyeraneke aborî de jiyan dike.
Rêjîma Tirkiyê di fikirê xwe yê Osmanî yê tarî herî zêde bingeha DAIŞ û terorê temsîl dike. Erdogan bi kuştin, talankirin, dizî û rûxandinê bihaneyên ne di cih de dixwaze xewna xwe ya dagirkirina Başûrê Kurdistanê bi cih bîne, li aliyekî din jî bala gelê Tirkiyê û kirîza hundirîn bikşîne ser derve û serkeftina xwe ya di hilbijartinên 24‘ê Hezîranê de misoger bike. Heger niha çavê wê li Başûrê Kurdistanê ye paşê dê berê xwe bide herêmên Iraqê. Em jî bîr nekin sedam tîbûna nîvê civaka Iraqê Tirkiyê bi xwe ye.
Wekî Meclîsa Giştî ya PYD‘ê em dijminahiya dagirkeriya Tirkiyê li Başûrê Kurdistanê şermezar dikin û wekî dijminahiyeke eşreke li ser tevahî Iraq û Kurdistanê dibînin. Mebesta Tirkiyê ne tenê Qendîn berxwedêr û rûmetê ye, Qendîl şoreş, nirxên jiyanan hevpar û rastiya gelê Kurd ê Azad nîşan dike, lê belê dagirkirina Zaxo, Hewlerê, Şengal û Nînewa ye jî. Êrîşên li ser Efrînê tê êrîş li ser tevahî Kurdistanê ye.
Em bagn li civaka navdewletî, Neteweyên Yekbûyî, Konseya Ewlekariyê dikin li hemberî zêdegaviyên Tirkiyê erka xwe bi cih bînin.
Her wiha em bagn li tevahî gpartiyên Kurd û Kurdistanî yên li Sûriyê, Iraq, Tikriyê û Îranê dikin ku ji bo lidarxistina kongreya Netewî ya Kurdistanê bixebitin. Lidarxistina kongre pêwîstiyeke da ku gel bi me bawer be, ji ber ku pêkanîna hêviyên gel ji me tê xwest, herw wiha em bibin layiqên destkeftiyên ku bi xwîna bi hezaran şehîdên Kurdistanê hatine qezenckirin, bin.
Her wiha em bang li hemû hêz, partiyên niştimanî û demokratîk ên Iraq û Sûriyê dikin ku li hemberî dagirkeriya Tirkiyê bisekinin. Em ji dagirkeriya Tirkiyê re dibêjin êdî bes e, dema azad, aşîtî û rûmet ye. Dem ne dema xemsarî û naokokiyan e. hesabnexwestina ji dijminan rê li ber wê vedike ku sucan berdewam bike, yên gûr ji xwe re mînak bigire xwîna tevahî cîhanê têra wî nake.”
