Piştî ku helwesta xwe li hember Erdogan dan nişan dan û êrîşên li ser Efrîn bi çalakiya şermezar kirin Erdogan biryar diheqê wande derxist û hatin binçavkirin.
NAVENDA NÛÇEYAN – Li Zanîngeha Bogazîçî ya Stenbolê, 16 xwendekarên di 19’ê Adarê de bertek nîşanî “Loqima Afrînê” dan û gotin “Loqima komkujiyê tuneye”. Piştî vê çalakiya xwendekaran Serokê Giştî yê AKP’ê Teyyîp Erdogan got ‘Ew komînîst in. Emê wan nedin xwendin” û fermana binçavkirina wan da. Li ser vê yekê ji 16 xwendekaran hatin binçavkirin ji wan 9 xwendekar hatin. Xwendekarên zanîngehên Îzmirê bertek nîşanî vê yekê dan û diyar kirin ku ne gotina Erdogan gotina xwendekaran li zanîngehê derbas dibe.
Xwendekara Zanîngeha Ege Tuana Uguz, diyar kir ku zanîngeha nasnameya rewşenbiriyê ya welatekî ne û wiha got: “Çalakiya xwendekaran a li dijî şer nasnameya zanîngehê nîşan dide. Tê wateya ku xwendekar li nasnameya zanîngehê xwedî derdikevin. Ev yek di bin şertê OHAL’ê de li zanîngehan pêk tê. Ev çalakiya xwendekaran mînakek baş e. Xwendekarên zanîngehê yên tev li çalakiyê bûn û hatin binçavkirin rastî tundî, îşkenceyê hatin. Ev nîşan dide ku dixwazin xwendekaran bitirsînin. Ev nîşan dide ku li zanîngehan ruhê berxwedanê heye. Yên ku dibêjin zanîngeh qediya ne bi van çalakiyan bersîva xwe digirin. Serokomar Erdogan û îktîdara AKP’ê ji dijberên li dijî rejîma yek zilam a li zanîngehan ditirsin. Erdogan di hilbijartina 2019’an de herî zêde ji xwendekarên zanîngehan ditirse. Ji ber vê yekê midûrê polîsan tayînî zanîngehan dike. Li her derê polisan bi cih dike. Di bin dagirkeriya polîsan de li zanîngehan perwerdehî tê dayîn û dixwazin zanîngehan bêdeng bikin.
Xwendekara Beşa Endustriyê ya Zanîngeha Aboriyê Hilal Susuz jî bertek nîşanî helwesta Erdogan da û wiha got: “Dixwazin hemû kesên muxalif bêdeng bikin. Xwendekarên alîgirên îktîdarê ne her tişt ji wan re serbest e. Lê yên muxalif be her tişt ji wan re qedexe û sûc e. Yên li dijî êrîşa li ser Efrinê fikrên xwe aşkere kirin wekî qayînê welat hatin tawanbarkirin. Dibêjin azadiya ziman heye. 2 sal berê bi 10 zimanan “Nweroz pîroz be” hatibû nivîsandin. Lê ji ber ku di navde yek jê bi kurdî bû rêveberiya zanîngehê pankart daxist. Ger ku zextên Dîktatoriyê, YOK’ê û Rektoriyê tune bûya ev yek nedihat kirin. Hemû tiştên xweşik yên li hemberî wan dijminê wan in. Em dibêjin li zanîngehan gotina xwendekaran derbasdar e. Divê em serî li hemberî YOK û Serokomar netewenînin.”
Xwendekara Beşa Derûnînasiyê ya Zanîngeha Yaşarê Lale Can jî anî ziman ku divê ciwan zanistiyê bi afirinînin û wiha got: “Lê di bin van zextên otoriteyê de tu kes nikare tişta baş biafirine. Me ev yek li Almanya Nazî dît. Niha li welatê me jî xuya dibe. Di pêvajoya êrîşên li ser Efrinê de gotina Aştî bi tevahî hat qedexekirin. Li tu cihan penaseya şer tune ye. Divê êdî hemû xwendekar bi hevre têbikoşin û bibin yek. Mînak dema li Zanîngeha Bogaziçî çalakiyek pêk hat divê hemû xwendekarên zanîngehên din piştgiriyê bidin û li hev xwedî derkevin. Divê dewlet êdî dest ji sûc berde û bes sûc bike.”
