ENQERE – Hevseroka Partiya DEMê Tülay Hatimoğulları û Hevseroka DBPê Keskin Bayındır, ligel parlamenter, baro û nûnerên rêxistinên nehikûmî, dê sibê biçin Rojava.
Li gorî daxuyaniya Partiya DEM, Hevseroka Partiya DEMê Tülay Hatimoğulları, Hevseroka Partiya Herêmên Demokratîk (DBP) Keskin Bayındır, Parlamentera Wanê ya Partiya DEMê û Berdevka Înîsiyatîfa Yekîtiya Demokratîk Gulcan Kaçmaz Sayyiğit, Parlamenterê Mersînê Alî Bozan, û nûnerên baro û rêxistinên nehikûmî dê biçin Bakur û Rojhilatê Sûriyeyê. Hate diyarkirin ku sefer dê bi rêya Herêma Federal a Kurdistanê be û di dema serdanê de dê bi nûnerên dînamîkên siyasî yên herêmê, di serî de partiyên siyasî, re hevdîtin werin kirin.
