HAMBURG – Endamên ciwan ên Tevgera Ciwanên Şoreşger (TCŞ) êrîşên HTŞ û çeteyên ku ji aliyê dewleta Tirk ve tên piştgirîkirin ên li ser Rojava û Bakur-Rojhilatê Sûriyeyê protesto kirin û banga rawestandina her şêweyê jiyanê ji bo Rojava kirin.
Ji bo protestokirina êrîşên wêranker ên TSK, HTŞ û çeteyên di bin kontrola dewleta Tirk de li ser Rojava û Bakur-rojhilatê Sûriyeyê, li Rote Flora ya navçeya Sternschanze civîneke çapemeniyê hate lidarxistin. Kurdên ku bi ruhê seferberiyê li ber Rote Flora kom bûn, alên bi wêneyê Rêber APO û alên TEV-DEMê hildan.
Di dema xwepêşandanê de, ku dirûşmeyên wekî “Bijî berxwedana Rojava”, “Hemû bi hev re li dijî faşîzmê” û “Bijî berxwedana YPG-YPJ” pir caran dihatin berzkirin, Ssloganên berxwedanê jî berdewam dikirin.
‘Werin Em Berxwedanê Xurt Bikin’
Ferhat Merdîn li ser navê TCŞ axivî û tekez kir ku niha jiyan li Rojava di xetereyê de ye. Merdîn tekez kir ku divê her dever bibe qada berxwedanê ya Rojava û got, “Ew niha hewl didin ku tola xwe ji Rojava hilînin. Bi konsepta tunekirinê êrîşî me dikin. Li hember vê konsepta tunekirinê, DYA û Ewropa bi pratîkî piştgiriyê didin Colaniyan. Ji bo rawestandina van êrîşan, em bang li gelê xwe li her derê dikin ku li ber xwe bidin, em bang li her derê dikin ku jiyan raweste. Bila ciwan ji bo Rojava li kolanan bin.”
‘Em ê Jiyanê Rawestînin’
Piştî daxuyaniyê, ciwanan rê li trafîkê girtin û li Kolana Sternschanze meşiyan. Di tevahiya meşê de fîşekên hewayî û slogan hatin avêtin. Ciwanan peyama “Em ê jiyanê rawestînin” li her derê ragihandin.
Çalakî bi slogan û sirûdan bi dawî bû.
