MELUN – Li Melun, bajarekî Parîsê, endamên ciwan ên Tevgera Ciwanên Şoreşger, Meclîsa Gel a Melun û hevalên wan ji bo protestokirina êrîşên li ser Rojava ji aliyê HTŞ û çeteyên ku ji aliyê dewleta Tirk ve tên piştgirîkirin, li hev civiyan. Di xwepêşandanê de, ji bo bîranîna şehîdên şoreşa Kurd deqeyek rêzgirtin girtin û şehîd bi dirûşmeya “Şehîd Namirin” hatin bîranîn.
Çetin Wan, hevserokê Meclîsa Gel a Melunê, ji bo daxuyaniyek çapemeniyê derbarê êrîşan de gotarek pêşkêş kir. Di dema axaftinê de, girseyê car caran ji bo piştgiriya xwe slogan avêtın. Çetin Wan piştî ku peyama xwe ji girseyê re ragihand, careke din piştgiriya xwe ya ji bo Rojava tekez kir û mafê axaftinê da Parlamenterê Marne Valle Arnaud Saint-Martin.
Endama Parlamentoyê Saint-Martin axaftina xwe bi silavkirina hemû gelê Kurd û Rojava dest pê kir. Di axaftina xwe de behsa zilm û komkujiyên li ser Kurdan kir, piştgiriya xwe ya li dijî êrîşan anî ziman û diyar kir ku ew ê van pirsgirêkan li Parlamentoya Fransayê bîne ziman. Di dawiyê de, wê tekez kir ku ew ê her tim li kêleka gelê Kurd be.
Girseya ku beşdarî çalakiyê bû, di dema axaftinan de û di dawiya axaftinan de bi dirûşmeyên wekî “Şehîd Namirin”, “Bijî Berxwedana Rojava” û “Bijî Berxwedana Gelê Kurd” kolan tijî kirin. Çalakî di nav dirûşmeyên bilind de bi dawî bû.
