NAVENDA NÛÇEYAN- Gerîlaya jin a Êzidî Berîtan Dijwar li ser 25’ê Mijdarê, Roja Tekoşîna li Dijî Tundiya li ser Jinan, ji ajansa me re axivî. Berîtan Dijwar hem şîdeta dîrokî ya ku jinên Êzidî dijîn û hem jî têkoşîna heyî nirxand û tekez kir ku 25’ê Mijdarê sembola berxwedanê li dijî her cûre zext û zayendperestiyê ye.
Berîtan Dijwar tekez kir ku jinên Êzidî ne tenê ji bo ji paşerojê hesabpirsînê dixwazin, lê di heman demê de di bin pêşengtiya jinan de jiyanekî nû ya civakî ava dikin. Wê girîngiya jiyanî ya rêxistinkirina jinên ciwan, perwerdekirina wan û xurtkirina komînên jinan destnîşan kir.
Axaftina Berîtan Dijwar giştî bi vî rengî ye:
Di serî de şehîdên meha Mijdarê bi bîr tînin û bi rêzdarî bejna xwe li berambeî wan di tewînin
Weke jin hestên me ji bo vê rojê cûdane, ji ber ku 25’ê Mijdarê li hemerî tundî û li hemerî şideta zilamê serdest û zayendperestiyê li hemberî vê serî rakirinek bû û ev şîdet neqebûlkirinek bû. Ev tundî di kesayeta sê jina de pêk hat lê bi rastî jî bû dengê jinên cîhanê. Bi taybet di vê rojê de hestê me weke jin cûdaye ji ber ku hestekî hem tu li berxwe didî û hem jî tolê radikî û desthiladariya ku îro diqewime qebûl naki.
Şoreşa Rojava ji giştî jinên cîhanê re mînakek mezine; ji ber ku cara yekemîn ewqas jin li hember sîstema desthilatdar û pergala dewletê li ber xwe didin û têkoşîn dikin û di heman demê de şoreşeke ku bi pêşengtiya jinê hatiye avakirin. Bi artêşbûna jinê niha xwe bi xw bi rêve dibe, li hemberî desthiladariyê serî rakiriye û rêxistinbûna xwe bi xwe dide avakirin, ji bo civakê pêşengtî dike.
Di roja îro de ji bo 25’ê Mijdarê divê hestê jinên Êzîdî deha zêdetir be, tolgirtin be; ji ber ku di fermana Şengalê de tûndiya herî mezin li ser jinê hat meşandin. Her wiha dixwestin di wê fermanê de kesayeta jinê tune bikin. Raste ev ferman bi çeteyên Daişê destpêkir lê di esas de komployek bû li dijî jinê û dixwestin di wir de dîroka jinên Êzîdî tune bikin. Tiştê ku berê di fermanê de qewimî ku zilamek were te bi rêve bibe jinên Êzîdî niha di roja îro de vê ji xwe re qebûl nakin, xwe bi xwe bi rêve dibin û di heman demê de artêşbûna xwe avakirin, li gorî fikir û felsefeya Rêber APO civaka xwe bi rêxistin dikin û bi rêve dibin û ji civaka xwe re pêşengtî dikin. Bi rastî jî em weke jinên Êzîdî çiqas xwe birêxistin bikin û xwe ava bikin hîn jî ji me gereke; ji ber ku em ne tenê bi tolgirtina fermanê tolê radikin, em tolê ji zayendperestiya ku niha di nava civakê de diqewime radikin. Her wiha deshilatdariya ku li niha li ser jinê diqewime em tolê ji vê radikin. Di hema demê de pir jinên Êzîdî hene ku niha qedera wan ne diyare, em tolê ji vê radikin. Pêwîste em weke jinên Êzîdî her tim xwe bi rêxistin bikin, xwe perwerde bikin, li benda kesî nemînin ji bo ku em bibin dengê jinên Êzîdî. Her wiha Rêbertî kesayetâ jinên Êzîdî çawa dixwaze û çawa dixwaze pêşengtiya civaka Êzîdî bike? Gereke weke jinên Êzîdî bi rastî xwedî li fikir û felsefeya Rêber APO derkevin û rast pêşengtiya civaka xwe bikin û nehêlin fermaneke din çêbibe û pêşiya ferman bigrin. Pêwîste em weke jin her tim parastina xwe bikin ji ber em di nava pergalekê de jiyan dikin ku ji hemû milan êrîşî me dikin. Gerek em weke jin her tim di nava parastinê de bin ji ber ku dema çeteyên Daişê êrîşkirin jin li her derê meyze kir tenê ew ma, eger jin xwe di milê fikir de baş amade kiriba ku çawa parastina xwe bike wê demê Daiş nikarîba êrîşî civaka Êzîdî an jinên Êzîdi kiribana. Ji ber ku jinên Êzîdî xwe tam birêxistin nekiribû di milê fikir de nizanî bun çawa xwe ji vê pergalê vê sîstemê biparêzin. Ji ber vê yekê dema çeteyên Daişê êrîşkirin pir rihet êrîşî jinê kirin.
Pêwîste em xwe rêxistin bikin ji bo ku em li pêşiya qetilkirinên ku îro li ser jinê tên kirin bigrin. Em çawa xwe rêxistin bikin? Pir giringe em weke jin xwe di komîn de avabikin û pêşengtiya komîn bikin; ji bo ku em karibin pêşengtiya civakê bikin. Di komîn de em çawa dikarin xwe rêxistn bikin? Di milê fikir de hemu desthiladarî û êrîşên ku çêdibin emê çawa dikarin xwe ji vê biparêzin? Ji bo ku em karibin li hemberî hemû tundî û qetilkirinê ku îro diqewimim bisekin ku îro çawa li girava îmraliyê Rêber APO tevî hemû îçkenceyan berxwedanî û têkoşîneke mezin dide mêşandin. Pêwîste Rêbertiya xwe ji xwe re mînak bigrin em jî weke jin xwe bi fikir û felsefeya Rêbertî xwe ava bikin û xwe ji êrîşên ku di roja îro de diqewimin biparêzin. Di heman demê de pêwîste jinên ciwan xwe li hemer vê tudiyê xwe rêxistin bikin, xwe ava bikin, xwe çêbikin.”
