KOLN – Meşa ciwanan, ku îsal bi dirûşmeya “Azadî û Demokrasî” dest pê kir, bi pêşengiya ciwanên Kurd û navneteweyî yên li Ewropayê, bi coş, moral û beşdariyeke bilind berdewam dike.
Di hevpeyvînan de, ciwanan biryardariya xwe anîn ziman û gotin, “Azadiya fîzîkî ya Rêber Apo xeta me ya sor e. Em ê heta ku Rêber Apo azad bibe li kolanan bin.”
Di tevahiya meşê de gelek caran dirûşmeyên wekî “Bijî Serok Apo”, “Be Serok Jiyan Nabê” û “Ciwan Fedaî ye Rêber Apo” hatin gotin.
Beşdarvan jî tevlî kampanyayê “Em jî dixwazin bi Rêber Apo re hevdîtin bikin.” bûn, Wan bi gotinên “Em ê heta ku Rêber Apo azad nebe nesekinin. Heta ku ciwan şervan bimînin, em ê bê guman azadiyê bi dest bixin” biryardariya xwe tekez kirin.
Sevda Dersim, endama NRW TCŞ, ev gotin parve kir:
“Ez Sevda ji Ciwanên Şoreşger NRW me. Em li vir in ku ji bo azadiya Rêber APO şer bikin û bi hev re peyamekê bidin. Peyama min ji ciwanan re ev e ku divê em armancên xwe ji nifşekî bo nifşekî din veguhezînin. Em ê têkoşînê bidomînin heta ku Rêber APO azad bibe. Bi taybetî di vê qonaxê de, divê ciwan rolek bilîzin. Ji ber vê yekê, em ê xwepêşandanan bidomînin heta ku ew azad bibe.”
Berat Bingöl, yek ji ciwanên ku beşdarî meşê bûn, got:
“Hevalno, wekî hûn dizanin, meşa me ya dirêj, ku îro dest pê kir, berdewam dike. Em ji bo azadiya fîzîkî ya Rêber APO dimeşin. Em hemû ciwanan vedixwînin; em ê sibê li Düsseldorfê bin.”
Elif Pazarcık, beşdarek din, bi gotina xwe coşa xwe anî ziman:
“Em ji bo azadiya Rêber APO û ji bo azadiya xwe li vir in. Em aştiyê dixwazin.”
Ciwanên enternasyonalîst ên di nav beşdarên meşa dirêj de jî bi tekez kirina azadiya fîzîkî ya Rêber APO piştgiriya xwe nîşan dan.
Fabio ji Turin, Îtalya, got:
“Em di meşek dirêj de ne ji bo azadiya Rêber Apo. Îro roja yekem a meşê ye, û em li Kolnê ne. Em beşdarî vê meşê dibin ji ber ku em bawer dikin ku azadiya Ocalan gavek pêwîst e ji bo anîna çareseriyek demokratîk û pêşniyarek aştiyê ji bo pêşerojê.”
Adriana ji Padova got:
“Ez hatim vir da ku bi çandên cûda re rû bi rû bimînim û rastiya gelê Kurd çêtir fam bikim. Bi taybetî di vê serdema dîrokî de, girîng e ku em xwe neterikînin, nirxên xwe bigirin, û fêm bikin ka em çawa dikarin li hember zilma ku pergal dide me hîs bikin bisekinin. Ez bawer dikim ku gavek ber bi azadiya Ocalan ve gavek bingehîn e ber bi pêkanîna îdeolojiya azadiyê ve.”
