HESEKÊ– Ragihandina Jinên Ciwan dewreyekê perwerde bi serkeftî dawî kir. Li ser navê Şehîd Cîhan Bîlgîn Ragihandina Jinên Ciwan dewreyekê 15 rojan vêkir.
Jinên Ciwan ji hemû bajarên Bakûr û Rojhilatê Sûriyê tevlî dewrê bûn. Perwerde li ser fikrê Rêber APO û bingehên teknîkî yên ragihandinê bû. Di despêkê de dersên bingehîn yên fikir û felsefeya Rêber APO hatin dîtin.
Piştî van dersên esasî, li ser rol û misyona ragihandinê, erkên demê û li ser rêbazên ragihandinê ders hatin dîtin. Perwerdeya ku bi giştî 15 roj bû xwedî bernameyeke dewlemend bû.
Jinên ciwanên ku tevlî perwerdeyê bûn, nêrînên xwe anîn ziman. Diyar kirin ku xwesteka wan ji bo vê perwerde ew bû ku zedêtir fikre Rêber APO, nasnameya xwe û rastiya dijmin nas bikin. Di heman demê de jî hemû endamên perwerde dixwestin di naskirina rola ragihandinê di avakirina civakekê azad de, xwe kûr bikin.
Piştî 15 rojan perwerde bi moralekê bi dawî bû. Hemû jinên ciwan piştî perwerde helwesta xwe dan diyarkirin û gotin ku dixwazin weke endamên ragihandina azad ji bo welatê xwe xizmet bikin û dengê heqîqetê bighînin giştî cihanê.
Her wiha bangawazî li hemû jinên ciwan kirin da ku tevlî perwerde bibin, kar bikin, di xebatên ragihandina jinên ciwan de cihê xwe bigrin.
