HESEKE – Îro Meclîsa Ciwanên Sûriyê Demokratîk li derbarê geşedanên dawî yên li Sûriyê, komkûjiyê li ser gelê Peravê Sûriyê (Elewî) û peymanê di navbera Hêzên Sûriya Demokratîk û desthiladariya Şamê daxuyaniyek da. Di daxuyaniya xwe de Ciwanên MSD diyar kirin ku divê hesap ji qetilkeran were pirsîn û ev peyman rêya rast e ji bo çareseriyekî siyasî demokratîk ku hemû gelên Sûriyê hembêz dike.
Daxuyanî bi vî rengî ye:
“Ji dema rûxandina rêjîma Baas li Sûriyê, gelê Sûriyê ji sîstema navendî yê zalim ê ku wan wêran kiriye rizgar bûye. Em ji bîr nekin ku her rejîmeke dîktator bi dijwarî hewl dide nakokiyan di navbera pêkhateyên gel de çêbike, bi awayekî ku garantiya berdewamiya hebûna xwe bike. Rejîma Baas di desthilatdariya wê ya 54 salan de jî bi vî rengî hikumeta xwe da meşandin, carinan li Hama û carinan jî li Qamişloyê. Bi rûxandina vê rejîmê re hêviyên Sûriyê hatin nûkirin ji bo avakirina welatekî li ser bingehên azadî, edalet û jiyana hevbeş di navbera hemû pêkhateyên wê de, ku pêwendiyên wan yên dîrokî li ser esasê polîtîkayekî hevbeş ê demokratîk vedigerin berî zêdetirî 100 salan. Mirovên weke Ibrahîm Hanano, Sultan Paşa El Etraş û Saleh El Eli bingehên netewî yên ji bo avakirina netewê Sûriyê danîn.
Rewşê ku Sûriyê piştî rûxandina rejîmê rû bi rû ma, ji ber destêwerdanên derve yên bi serkêşiya Tirkiyê, ku her dem Sûriyê bikar tîne ji bo xizmetkirina berjewendiyên xwe yên dagirkeriyê û ku gelê Sûriyê li ser bingehên etnîkî û mezhebî li dijî hev du dikişîne, hemû gelê Sûriyê kêfxweş nekir.
Pratîkên Îranê, ji pratîkên Tirkiyê ne dûr in, armancên wan cuda ne, lê pratîkên wan wekhev in. Avakirina hikumeta Sûriyê bi xwe jî, hemû beş û pêkhateyên Sûriyê di nav xwe de nahewîne û modelê rejîma Baas yê sekter dubare dike. Em di Meclîsa Ciwanên Sûriyê Demokratîk de, hikumeta Şamê berpirsiyar dibînin li ser hemû êrîş û sûcên li dijî pêkhateyên Sûriyê bi giştî û bi taybetî li Peravê Sûriyê.
Kesên berpirsiyar divê ji erkê xwe werin girtin û divê zelalî were avakirin da ku hesap ji her kesên ku xwînê gelê Sûriyê di destê wan de hene were xwestin. Ev pratîk xizmetê avakirina welat gorî ku tê xwestin nakin.
Parastina jiyana gelê Sûriyê, mêr bin yan jin bin, kîjan girêdana xwe ya siyasî û olî be bila bibe, erkê sereke yê hikumeta Şamê ye. Em qebûl nakin û şermezar dikin her sûc li hemberî sîvîlan li ser esasê girêdana siyasî û olî.
Em banga hemû gelê Sûriyê dikin ku li gorî aqilê xwe tevbigerin da ku van pratîkan bidin sekinandin. Aştiyê naxweyî û jiyana hevbeş bingehê avakirina pêşerojê.
Em weke Meclîsa Ciwanên Sûriyê Demokratîk bawer dikin ku peymanê di navbera Hêzên Sûriyê Demokratîk û hikumeta Şamê gavekî pîroz e di rêya rast de ji bo pêşketina pêvajoyê siyasî. Em biriyara xwe nû dikin ji bo xebitandina ji bo çareseriyekî siyasî yê bi edalet ji bo hemû gelê Sûriyê ku aramî di welatê me de ava bike û me ji şer û pevçûnên ku xizmeta gelê nakin biparêzin.
Bijî Sûriyekî azad û demokratîk, şehîd namirin
Meclîsa Ciwanên Sûriyê Demokratîk
Heseke, 13.03.2025″
