NAVENDA NUÇEYAN- Tevegra Ciwanên Şoreşger ên Bakûr û Rojhilatê Surî di der barê şehadeta Hogir Dirbesiyê (Dilawer Erebo) ku di encama êrişa dewleta Tirk a dagirker de şehîd bû de daxuyaniyek da.
Di daxuyaniyê de Tevgera Ciwanên Şoreşger sersaxî da malbata şehîd û gelên welatparêz û da diyar kirin ew wek ciwan tola her du şehîdan bi Rêbertiyek azad, Kurdîstanek azad û civakek azad ve rakin.
Giştî Daxuyanî Wiha ye:
Em weke Ciwanên Bakûr û Rojhilatê Surî hedefgirtina pêşengê xwe Hogir (Dilawer Erebo) bikin wesileya Tolhildanê û soza pêkanîna erk û xeyalê wî didin!
Di sedsala 21.mîn de bi Stratejiya Şerê Gelê Şoreşgerî ku di sala 2010’an de ji aliyê Rêber APO ve hat îlan kirin, Ciwanên Rojhilata Navîn li hemberî êrîşên dagirkerî û ji bo azadiya gelê xwe pêşengtî û qehremantiyên mezin nîşan dan. Yek ji van ciwanên hêja Şehîd Hogir Dirbesiyê (Dilawer Erebo) ye ku bi awayekî bêbextane bi Endama Koordînasyona Kongra Star Salîhe Viyan (Hêva Erebo) re, ji aliyê balafirên bê mirov ên dewleta Tirk ve hatin hedef girtin. Di serî de em êrîşên dewleta Tirk a dagirker ser pêşengên jin wek Salîhe Viyan û pêşengên ciwanan Hogir Dirbesiyê lanet dikin. Ji malbatan wan re û giştî gelê me yê welatparêz re sersaxî dixwazin.
Şehîd Hogir di her pêvajoyekî de bi rihê ciwantiyê tevlî bû û li hemberî sedan ciwanan jî kedekî mezin raber kir. Weke pêşengekî stratejiya Şerê Gelê Şoreşgerî gelekî giringî dida perwerdekirina ciwanan û li ser vê esasê di warê perwerdekirina ciwanan û amadekirina wan di gelek qadên Rojavayê Kurdistanê bi awayekî aktîf xebat meşand û dilê gelek ciwanan bi xwe ve da girêdan. Bi hestekî berpirsyartî û bi rihekî fedakar ji bo parastina welatê xwe di tevahî qadên Bakûr û Rojhilatê Suriyê de mohra xwe li pêvajoyê da.
Heval Hogir ne tenê pêşengtî ji bo Ciwanên Kurd re kir, ji bo tevahî ciwanên Surî kedekî pir mezin raber kir. Bi taybetî di pêvajoya rizgarkirina bajarê Minbicê de ew gelek ciwanên Ereb perwerde û rêxistin kir û bi keda xwe ve bu sembola hevgirtina ciwanên ji her netewan li ser esasê pîvan û nirxên ji bo avakirina pergala Netewa Demokratîk.
Li gelek kadên Rojavayê Kurdîstanê heta Başurê Kurdistanê, Heval Hogir tu carî sinor neda li pêşiya xwe û li ser esasê pêkanîna armanca xwe û xwe gihandina her ciwanekî 24 seatan bê navber di nav hewldanê de bû. Ew di her kêlî ji hêz û pêşengtiya ciwanan bi bawer bû û xwe li ser vê esasê bi serkeftinê ve klît dikir. Li 2015’an de li Halebê ku mînaka Şerê Gel a Şoreşgerî dihat jiyan kirin, Heval Hogir pêşengtiyekî pir mezin lîst û dinamizma ciwantiyê cardin îspat kir. Ew dixwest ji bo her ciwanekî bibe çavkaniyekî hêzê û li ser vê esasê xwe di fikir û felsefeya Rêber APO de perwerde dikir û dixwest bibe rêhevalê Rêber APO. Ji ber vê jî bi pîvan û bi girêdanbûnekî xurt bi Rêber APO re her qadekî veguherand cihê pêkanîna armanc û xeyalên şehîdan. Di têkoşîna xwe ya bi dil, ji bo nirxên wekheviyê û hevaltiyê di her ciwanekî de hêvî, bawerî û daxwaza têkoşînkirina ji bo azadiyê geş kir.
Em weke ciwan û civaka ku heval Hogir hembêz dikir û di dilê xwe de bi cih kir ji wî fêrî girêdanbûna bi şehîdan û nirxên hevaltiyê bûn. Em wek ciwan li ser esasê mîrasa ku heval Hogir avakir heta dawî bi biryar in ku li hemberî van êrîşên dewleta Tirk a faşîst bi îsrar têkoşîna xwe bi hêztir bikin. Tiştê ku em wek ciwan ji heval Hogir fêr bûn, em di vê pêvajoya dîrokî de bigiînin serkeftinê.
Çawa ku Heval Hogir bi komên xwe yên ciwanan re di sala 2018’de li Efrînê ji bo parastina gel, ax û welatê xwe, li hemberî çeteyên dewleta Tirk a dagirker bi awayekî bê teredût di cêpheyên pêş de cihê xwe girt, em jî weke ciwan sond dixon ku bi vê rihê li ser şopa heval Hogir berdewam bikin.
Û em weke Tevgera Ciwanên Şoreşger soz didin ku bi hêza ku Heval Hogir di her ciwanekî de avakiriye emê têkoşîna xwe bi awayekî hîn xurtir bidin meşandin û xeyal armancên her du şehîdan bigihînin serkeftinê. Emê tola wan bi Rêbertiyek azad, Kurdîstanek azad û civakek azad ve rakin.
Bimre dagirker û hevkarên wi
Bijî Serok APO
Bijî Şerê Gelê Şoreşgerî!
Şehîd Namirin!!
Tevegra Ciwanên Şoreşger ên Bakûr û Rojhilatê Surî
