AMED- Amadekariyên mîtînga 13’ê Cotmehê ya li Amedê ku di çarçoveya hamleya “Ji Rêber APO re azadî, Ji pirsgirêka Kurd re Çareserî” were li darxistin bi hemû leza xwe dewam dikin. Tê fikirîn ku tevlîbûna herî zêde ya mîtîngê dê ji aliyê ciwan de çêbibe.
Endama Meclîsa Jinên Ciwan a Partiya DEM’ê Sarya Aktîn ji ajansa me re axivî û bang li ciwanên Kurd kir ku beşdarî mîtînga ji bo Rêber APO bê lidarxistin bibin.
Îmralî rêya çareserî û aştiyê ya Rojhilata Navîn e!
Aktîn da xuyakirin ku 27’emîn salvegera Komploya Navneteweyî ya 9’ê Cotmehê ya li dijî Rêber APO nêzîk dibe û ev zêdeyî 25 sal in li Girtîgeha Girava Îmraliyê di bin tecrîd û îşkenceyê de tê ragirtin û 4 sal jê agahî nayê girtin û got, “Ev polîtîkayên tên meşandin, bi armanca tecrîdkirina gelê Kurd di şexsê Rêber APO de û pêşîgirtina li belavbûna fikrên rizgariyê ku hêviya hemû cîhanê ye, tê kirin. Krîza heyî, kaos, xitimandin, rewşa şer û êrîşên dagirkeriyê yên li ser Kurdistanê ku roj bi roj li Rojhilata Navîn û Tirkiyeyê kûrtir dibin, rasterast bi polîtîkayên tecrîdê yên li Îmraliyê ve girêdayî ye. Jİ ber ku Îmralî rêya çareserî û aştiya Rojhilata Navîn e.”
Mîtînga ku di 13’ê Cotmehê de li Amedê bê lidarxistin, wê bibe ronîkirina vîn û daxwazên hevpar ên hemû gelên ku rizgariya xwe di Rêber APO de dibînin!
Endama Meclîsa Jinên Ciwan a DEM’ê Sarya Aktîn diyar kir ku krîza giran a bêhiqûqiyê ya li Tirkiyeyê, polîtîkayên bêcezakirinê û zêdebûna giran a sûcan bi temamî bi tecrîdê ve girêdayî ye û wiha got: “Ji ber ku pergala îşkence û qirkirinê ya Îmraliyê li dijî mirovahiyê ye û girêdayê huquqê tiştêkî tûne ye. Mafên rewa, qanûnî nayên naskirin. Sîstema darazê ya Tirk a ku tecrîda Îmraliyê ya ku sûcên mirovahiyê lê hatin kirin red dike û bi înkarkirina tecrîdê standardên dualî pêk tîne, edaletê binpê dike.”
Aktin, anî ziman ku tecrîd bi kampanya û têkoşînên li cîhanê û li Kurdistanê tên meşandin derketiye holê û nîşandaye ku ev yek rastiyeke ku nayê înkarkirin bandorê li her aliyê jiyanê dike û wiha got: “Di vê wateyê de mîtînga ku di 13’ê Cotmehê de li Amedê pêk were, kesên ku azadiya xwe paradîgma û felsefeya Rêber APO de dibînin re wê bibe ronîkirina îrade û daxwazên hevpar ên hemû gelên bindest, jin û kedkaran. Wê bibe mîtînga ku daxwaza şikandina tecrîda li her qadên jiyanê belav bûye, berfirehkirina têkoşînê û misogerkirina azadiya fîzîkî ya Rêber APO bê qîrîn. Di vê wateyê de pir bi nirx û watedar e. Ew zemînek e ku hemû gelên Kurdistan û Tirkiyeyê ji bo daxwaza azadî û çareseriyê bên gel hev.”
Divê em wê herêmê bi sed hezaran, bi mîlyonan tijî bikin!
Aktin diyar kir ku ji bo şermezarkirina vê komployê û ji bo rakirina tecrîda bi salan e li ser wan tê meşandin, divê di 13’ê Cotmehê de mîtînga azadiyê ya ku wê li Amedê bê lidarxistin bibin. Divê em wê qadê bi sed hezaran, bi milyonan tijî bikin û got: “Ji ber ku em li wir, bi rastî ji bo Kurdistan, Tirkiye û divê em vê peyamê bidin raya giştî ya cîhanê: Heta ku Rêberê Gelê Kurd azad nebe, ti ciwanên Kurd yan jî jina Kurd dikare azad bibe. Ger rêberê me were tecrîdkirin û azadiya wî ya fizîkî bê paşguhkirin, em ê li wê herêmê bi girseyeke mehşerî bersivê bidin.”
Sarya Aktin di berdewamiya axaftina xwe de diyar kir ku divê hevalên ciwan û endamên meclîsa ciwanan ji bo vê mîtîngê bixebitin û rasterast bi raya giştî re ragihînin û agahdar bikin û got, “Em bi rihê ciwanên APO’yi, bi têkoşîneke xurt û rêxistinkirî di 13’ê Cotmehê de li qada mîtîngê werin gelhev.”
