NAVENDA NUÇEYAN- Komiteya Perwerde Jinên Ciwan û Komiteya Jineolojî Ciwan çalakiyekî hevpar li dar xistin. Di bin navê ”Li sifreya rojê” de Jinên Ciwan kom bûn û roja xwe bi Rêber APO re derbas kirin. Di çarçoveya hamleya ”Ji Rêber APO re Azadî, ji pirsgrekê kurd re çareserî” û bi şîarara “Jin Jiyan Azadî Serbixe Azadî” Jinên ciwan Rêber APO dixin navenda hemû kar û xebatên xwe.
Beriya demekê Hevseroka Konseya Rêveber a KCK’ê Besê Hozat di bernameyek xwe ya televisyonê de banga jinên cihanê kir û got “Em di bin navê ”Li Sifreya Rojê ” de li herderê çalakî li dar bixin. Di van çalakyan de an jî sofreyan de emê rojekê bi Rêber APO re derbas bikin. Bibin mevanê sofreya Rêber APO. Bikevin nava felsefeya Rêber APO.”
Li ser esasê bangawaziyan, Komiteya Perwerde Jinên Ciwan û Komiteya Jineolojî ya Ciwan çalakiya ”Li sofreya Rojê” li dar xistin.
Jinên Ciwan rojekê bi Rêber APO re derbaskirin. Despêkê rojê de broşûra ”Pergala Îmraliyê” hat xwendin. Piştî vê li ser jiyana Rêber APO belgeyek hat xwendin. Ev broşûr û belgê ji aliyê Akademiya Zanistên Civakî ya Abdullah Öcalan ve hatibûn weşandin.
Her wiha dimenên “Rêber APO di nava jiyanê de” hatin temaşekirin. Rêber APO çawa silav dide hevalan, silav dide zarokan, dayîkan, gel. Dema li keveka meyze dike… Di vir de nêzîkatî û hezkirina Rêber APO li hemberî jiyanê hatin nasîn.
Her wiha dimenên ”Bîranînên bi Rojê” jî hatin temaşekirin. Ev dimen li ser esasê bîranînên gel û welatparezan bi Rêber APO re hatibûn amadekirin.
Piştre Jinên ciwan tevlî pêşbirka pirsan li ser jiyana Rêber APO bûn. Di pêşbirkê de pirsên li ser jiyan û tekoşîna Rêber APO hatin kirin. Dû tîm hatin çekirin, her car tîmekê bersiv da pirsan. Dema tîmek bersiva pirsa nizane an jî şaş bersiv dide balonên bi avê li ser serî wan de tên teqandin. Jinên ciwan bi coş û moralekê mezin tevlî pêşbirkê bûn.
Piştî vê Jinên Ciwan hestên xwe di derbarê vê rojê û ji bo Rêber APO kirin nivis. Name ji Rêber APO re nivisandin.
Ji ber ku Rêber APO jî hertim pir giringî da ku jin tevlî aktiviteyên werzîşî bibin, jinên ciwan ketin avê û avjenî kirin. Rêber APO ji bo vê yekê diyar dike ku gelek giringe jin jî tevlî werzişê bibe ji bo xwe nas bike, hêza xwe bibîne. Bi rêya werzişê jin dikare gelek sînoran ku di mêjî de hatin avakirin û jin asteng dikin bişkînin.
Ji bo hemû jinên ciwan ku tevlî tevlî çalakiya bîranînên bir Rojê re bûn xalatên biçûk hatin amadekirin.
Her wiha jinên ciwan di derbarê vî rojê de ji ajansa me re hestên xwe wiha anîn li ser ziman:
”Navê min Evînê, ez îro tevlî çalakiya li sifreya rojê bûm. Weke ku heval Besê di bernameya xwe ya televisyonê bangawazî kir em lazime hemleyekê wisa weke jin despê bikin. Em îro di bin navê Li Sifreya Rojê de ev çalakî li dar xist. Me rojek xwe bi Rêbertî re derbaskir. Bi rastî hestekê gelek cûda tê mirov. Xweş e dema em hemû hevalê jin in, em li cem hevdû rûdinin û bi hev dû re diaxavin, rojê xwe wisa bi wate derbas dikin. Berî me rastiya Rêber APO gelek nizanibû ama niha me baştir femkir ka Rêber APO çi ji me dixwaze.”
Jinekê ciwan e ditir ku tevlî çalakî bû nêrîna xwe wiha parve dike:
”Navê min Berfîn e. Me îro pirtuka li ser sîstema Îmraliyê xwend. Bi rastî gelek em pê êşiyan çawa dixwazin Rêber APO tune bikin. Wî jehrî dikin, dixwazin berxwedana Rêber APO bişkînin. Rêber APO li hemberî ewqas nexweşî û şertên zehmet berxwe dide. Em gelek li ser me bandor dike. Dixwazin me bixapînin, ama bila bizanibin ku gelê Kurd bi fikre Rêber APO ticarî naye xapandin. Dema me îro bi Rêber APO re rojê xwe derbaskir, dema me dimen û bîranîn temaşe kir min dît ku Rêber APO çiqas komînal jiyan dike.’
