Silêmanî- Li Başûrê Kurdistanê beşdarbûna jinan di wezîşên cûda de gihaye astek baş. Jin beşdarî lîstokên navnetewî dibin û niha jî beşek ji wan ders didin jin û ciwanan. Li gor hêza xwe werzîşan di hilbijêrin. Jina ciwan Şînya Bextiyar ya 18 salî li bajarê Silêmanî werzîşa qerete hilbijartiye. Di temenê 10 salî de destpê kiriye û kariye bigihe astekê û bibe mamoste.
Şînya beşdarî gelek turnovayên cîhanî û navxweyî bûye û astên bilind û madalya bi dest xistiye. Di werzîşa qeretê de di sala 2019’an de digihêje astek baş, kemera reş bi dest dixwe û niha ji li cihek yê fêrkirina werzîşê li Silêmanî bi hevkariya çend hevpîşeyên xwe ders dide ciwan û zarokan.
‘Werzîş mirovan bi hêz dike’
Mamoste û lîstokvana qeretê Şînya Bextiyar di sala 2005’an de ji dayîk bûye û ev 8 sale beşdarî lîstokên qeretê dibe, xwedî 8 astên başe û beşdarî çend turnovayên navxweyî û cîhanê bûye û wiha got: “Ez beşdarî turnovayên navxweyî û Iraqê bûme. Di 12 turnovayan de çend madalya û asta baş min bi dest xist. Cara yekem beriya 9 salan li Silêmanî beşdarî turnovayê bûm. Di sala 2019’an de li Îranê beşdarî turnovayê bûm û min karî pileya duyem bi dest bixim. Fêrbûna qeretê mirovan bi hêz dike ji bo xweparastinê gelek baş e. Ez hêvîdarim ciwan ji vê lîstokê sûd bigre û beşdarî werzîşên cûr be cûr bibin.”
‘Bila malbat piştgiriya zarokên xwe bike’
Xwendekara lîstoka qerete Lerê Omer ev çend mehe beşdarî fêrbûna qeretê bûye û beriya vê werzîşa boksê dikir û wiha got: “Ez werzîşê berdewam dikim û xwendekar pola 8’anim. Tu deman werzîş li pêşiya xwendina min nebûye asteng û min hewl daye di herdû qadan de serkeftî bim. Ez di wê hêviyê deme malbat piştgiriya zarokên xwe bikin, daku bikarin bi awayê herî baş serkeftî bin.”
‘Jin dikarin bi riya werzîşê xwe bi parêzin’
Xwendevanek din ya qeretê Gulya Berhem ku di temenê 11 salî de beşdar bûye, ev du sal û nîve beşdar bûye wiha got: “Ez beşdarî çar turnavayan bûme. Di du lîstokan de min pileya sêyem bi dest xist, li bajarê Silêmanî min pileya yekem bi dest xist. Beşdarbûna lîstoka qeretê lîstokek tije ezmûne. Jin dikarin bi riya lîstokê xwe bi parêzin. Daxwaza min ewe ku zarok û jin beşdarî werzîşan bibin.”
‘Ez gelek ji qeretê hez dikim’
Xwendekara bi navê Roz Mecîd xwendevana dibîstana navîne, ev çar sale qeretê dike û wiha got: “Ez gelek keyfxweşim ku tevlî turnovayan dibim û min çend madalya bi dest xistiye, qerete têkelî xwîna min bûye nikarin dest jê berdim. Em jinên ciwan ji bo parastina xwe beşdarî vê werzîşê dibin. Niha ez di qonaxa kemera zer de me û hewla zêdetir didim.”
‘Beşek ji dayîkan ji werzîşê di tirsin’
Mamostaya qeretê Sumeye Hêmîn ev 8 sale beşdarî qeretê dibe û wiha got: “Malbat ji bo zarokên wan bikarin xwe biparêzin tînin vêderê. Di civaka me de zêdetir xort giringî didin qeretê. Lê niha jinên ciwan yên herêma Kurdistanê giringî didin qeretê. Beşek ji malbatan ji şêwazên werzîşê ditirsin. Lê belê lîstok di çarçoveya werzîşek tendirûst de encam dide. Ez hêvîdarim ciwan û bi taybet jin bên gel me fêrî qeretê bibin.”
Çavkanî: Nûjinha
