QAMIŞLO- Ajansa me Nuçe Ciwan Endama Koma Şano ya Navenda Mihemed Şêxo, Yara Sarim re li ser kar û xebatên şano û giringiya şano ji bo gel hevpeyvîn çêkir.
Naveroka hevpeyvîna me bi vî rengî ye:
Tu dikarî xwe bidî nasîn?
Ez Yara Sarim. Ji bajara Qamişlo me. Temenê min 23 sali ye. Min Fakulteya Ziman û Wêjeya Kurdî xwendiye. Ez endama şano a Navenda Mihemed Şêxo me.
Jiyana te ya şano çawa dest pê kir?
Dema em zanîngehê bûn mamoste Beşîr branşê şano da me. Rastî bala min kişand. Dema ez biçûk bûm min televziyonê de car caran mêzedikir, lê zanîngehê meraka min çêbû. Dema me şano dixwend henik xal hebûn biçûk bûn bes bala min pir dikşand. Dema projeya taxa jibîrkiri çêbû mamosteyê min ya destpêke Diljan ji min got pêwiste tû jî hazir bî. Piştî vê projeyê, ez fermî tevlî koma şano ya Navenda Mihemed Şêxo bûm.
Şanogereki ji Şoreşa Rojava, di te de çî hêst ava dike?
Hiskirinekî pir xweş e, mezin e û bi wate ye. Ji xwe re û ji gelê xwe re tiştekî xweş pêşkeş kirin tiştekî ne kêm e, tişekî gelekî bi wate ye û bi rûmet e jî.
Wek şanogereki hûn xwe beramberê civakê berpirsiyar hîs dikin?
Ji xwe em mijarê xwe ji gel digrin, pirsgirêkan ji gel digrin û çareseriyê ji wan re datînin. Şano girêdanbûyina navebera me û di gel de ye. Em dikarîn çiqasî gelê xwe temsîl bikin ew e.
Hûn alaqaya civakê ya ji şanoyê re çawa dibinin?
Tên hazir dibin. Tameşe dikin lê belê ne pir e. Car caran ev salona şano ya pişt me tije dibe, car caran na. Dema videoyên şano dibinîn meraka wan çêdibe, dibêjin “Ka ev çî şanoyê emê bên hazir bibin”. Di destpêk nayên lê dema piştre dîmenan dibînin dixwazin bên tamaşe bikin. Em şanoyê xwe hem pêşekeş dikin hem jî tasfîr dikin di YOUTUBE’de parvedikin. Piştê wî zêdetir meraka wan çêbû ye. Heskirina wan a ji bo şano çêbûye. Em nabêjin pirin lê ne kêmin jî. Yanî heskiriyên şano hene.
Di serdama ku em tê de jiyan dikin de alaqaya ciwanan li ser rêya sanal medya tiştên ne aîdê me û vala re heye. Hûn ji bo vî mijarê çî dibêjin?
Ji xwe me di serî de jî got em pirsgirêk ji nava gel tinîn û çareseriya wana em datînin. Şanoya me ya dawî bi dans û muzîk bû. Axaftin tê de tine bû. Gelek hene bandora dansên Hindî, biyanî li ser wan heye. Me bi xwe jî dans pêşkeş kirin û me go wa dansa me jî heye. Cihê ku bi wan tiştan re mijûl bibin bila bên em bi hev re kar û xebatên xweş bikin. Minak şanoyê me beşekî li ser xwendinê bû. Zarok pêwiste biçin bixweynin nabe di kolanan de vala bin. Em dixwazin di şanoya xwe de bibêjin pêwiste zarok bixweyne, biçe zanîngehê. Heta ji me tê em van pirsgirêkan dihewinin û çareseriya wan datînin. Me gelek mijar pêşkeşkiriye emê hin jî pêşkeş bikin.
Dikarî behsa naveroka şanoyên we ya dawî ku we pêşkeş kiriye biki?
Şanoya me ya herî dawî bi navê Prometheûsê zincirkirî bû. Me ev şano di destpêkîde di Roja Şanoyên Cîhanî û roja salvegera Şehîd Yekta Herekol de pêşkêş kir di salona me ya Qamişlo de. Beriya wî me Roja Şehîdên Enternasyonalist de li Hesekê pêşkeş kir. Herî dawî jî me li bajarê Rimelan pêşkeş kir. Şanoya Prometheusa Zincirkirî bi dans û muzîk bû û tê de axaftin tine bû. Ji xwe tişta herî zêde bala civakê kişand ev bû. Tiştêki nû bû. Bi şewazê dans-şano di destpêka şoreşê hata niha an ya duyemin ya sêyemin e tê pêşkeşkirin. Kêfa gel gelekî jê hat. Naveroka şano li ser gel e. Ji xwe Prometheusa Zincirkirî ji mitolojiya Yunani ye. Me xwest ji bo Serokatî û gelê Kurd li derbixin.
Gel karê xwe dike, Zeus a ku li ser bajarê ye, ji gel re dibêje ezê agirê we ji we bigrim. Dema ku agir ji jiyana me derbikeve emê çawa bijîn? Em çawa bibinîn? Em çawa xwarinê xwe çêbikin? Em çawa xwe germ bikin? Prometheus tê agir ji Zeus didize û ji gel re belav dike. Zeus, Prometheus digre û bi zinciran çiyayêki ve girêdide. Her roj teyrê baz tê û nava wî dixwe, piştê wî navawî carekê din şîn dibe. Gel li derdora Prometheus kom dibe da ku wî rizgar bike, lê nikarin û dikevin. Carekedin hewldanê xwe dikin lê bi hêza jin, bi şewazê dans diçin ber. Dixwezin wê rizgar bikin bes nikarin. Vedegerin carekêdin dans dikin û bi dawîbûna dansê zincirê Prometheus dikevin. Çawa ku jin azad dibin Prometeheus jî azad dibe. Ji xwe em hêvîne bi hêza jin û gel emê Rêberê xwe azad bikin.
Mînaka gel û malbatan henin ku ji şanoyê we gelek bandor bûne?
Şanoya Prometeheusa zincirkî de em başa dans de bûn. Keçikekê biçuk bi me re bû. Malbata wî got, “Em nema diheylin.” Keçik biçûk bû qasî 12 salî bû. Dema hat listin, me ji malabata wî re got binerin çiqas xweş dilêze, ya herî xweş dilêze ew e, rixmê ku ew bi tirs derketibû li ser dîkê. Carna malbata wî nedihişt were prova. Beriya rojek em derkevin li ser sahnê malbata wî got nema tê. Rixmê ew zoriya ku ew keçik jîyan kir tiştêki gelekî xweş pêşkeş kir. Me dimen pêşberê dayîka wî kir. Pir kêyfa wî hat. Caradîn me bajarê Rimelan ev şano pêşkeş kir wî demê dayîka wî jî hatibû digot ez hatime dixwazim keça xwe bibinim. Û keyfxweş bû got ji vir pê ve ezê piştgiriya wî bikim.
Ji bo ciwan û jinên ciwanên ku ji şano hezdikin hun dixwazin çî ji wan re bêjin?
Em bi her heypeyvînekî banda hemû kesan dikin; werin tevlî bibin, şano tiştekî gelekî xweş e. Em tên vir provayê xwe dikin, karê xwe diqedinin û vedigerin malê. Hevaltiyekî nû çêdibe, karekî nû çêdibe. Hem tû kesayeta xwe ava diki. Wextê hevalên te yên nû çêdibin mijarên nû çêdibin. Kesên ku dixwazin tevlî şanoyê bibin bila werin deriyê me ji wan re vekiriye. Ger henik dibêjin ji ber malbata xwe em nikarin bên tevlî bibin, em dikarin dayîk û bavê wan re bêjin keremkin hûn ji werin tevlî perovayên me bibin.
Di dawiyê de tiştek heye ku hûn li ser zêde bikin an jî bal bikşînin li ser?
Ji bo wêjevan û nîviskarên me em hevîne şanoyên nû werin nîvisandin. Şanoyên ku dema em tê de jiyan dikin… Şanoyên li ser pirsgirekên dema ku zarok telefon dinêre nikare xwe jê qut bike, şanoyên li ser giringiya xwendinê deynin, şanoyên li ser şerê ku em tê de derbas dibin deynîn. Her wiha her şehîdek me şanoyêki jê çêdibe, çîrokek jê çêdibe, pirtûkekî jê çêdibe. Em car caran digerin em nikarin şanoyekî pêyda bikin da ku em bilêzin. Herî dawî gelê ku ji şano hez dike bila piştgiriya şano bike.
Piştgiriya şano bikin çi ji tevlîbûyina endaman be, çî heskirina wêje re bê, çî ji tamaşekirina şano re be…
Videoyu Youtube Kanalımızdan da izleyebilirsiniz:
