REQA- Di Komxebatê de endamên Meclisa Sûriyeya Demokratîk (MSD) û Meclisa Ciwanan a MSD’ê û nûnerên partiyên siyasî, siyasetmedarên serbixwe û endamên Tevgera Ciwanên Şoreşger a Reqayê beşdar bûn.
Di serî de endamê Desteya Seroketiyê ya MSD’ê Hesem Mihemed Elî got: “Dema ku em bala xwe bidin Bakur û Rojhilatê Sûriyeyê em ê bibînin ku piraniya endamên saziyên sivîl û leşkerî ciwan in, ev jî nîşan dide ku ciwan dikarin xebatê bikin û roleke siyasî di pêvajoya siyasî de bilîzin.”
Sînevîzyonek li ser xebatên MSD’ê li hemû herêman hat pêşandan, piştre mîhwera yekem dest pê kir ku tê de “Rola ciwanan di avakirina nasnameya Sûriyeyeke nû û bandora şerê taybet a ku ji aliyê gelek aliyan di serî de dewleta Tirk a dagirker û hikumeta Şamê û rêxistinên navneteweyî ve tê meşandin li ser ciwanan” hat nîqaşkirin.
Mîhwer ji aliyê hevseroketiya Desteya Ciwanan û Werzîşê Henan Bekûr ve hat nîqaşkirin, Henan destnîşan kir ku bi rêya rûniştandina desthilatiyê û hukma rejîma Baas ciwan hatin paşguhkirin û ew li gor berjewendiyên wan desthilstiyan hatin kontrolkirin, her wiha wan desthilatiyan bi armanca windakirina fikrê ciwanan madeyên hişbir belav kirin, bi taybetî jî dewleta Tirk a dagirker ciwan wek çete û çekdarên ku ji bo pereyan şer dikin bi kar anî û ew dûrî rêya şoreşê xistin, her wiha deriyê penaberiyê ya ber bi Ewropayê ve ji wan re vekir da ku ciwan ji çand û nirxê xwe dûr bikevin.
Hevserokê Komîteya Ciwanan a Minbicê Ehmed El Cemîlî destnîşan kir ku rola ciwanan di Rêveberiya Xweser de roleke sereke ye û divê rola wan di civakê de bê berfirehkirin.
Endamê Meclisa Ciwanên Îdlibê Ebdurehman El Hesen destnîşan kir ku kirîza Sûriyeyê ji şoreşê veguhêzî kirîzeke siyasî ya navneteweyî ku pêwîstî bi avakirina projeyeke demokratîk hebû û got: “Em di bin siya wê projeya demokratîk a Rêveberiya Xweser jiyan û her wiha divê rola ciwanan di hemû qadan de bê pêşxistin.”
Mîhwera yekem ji aliyê Henan Bekûr ve hat bersivandin ku ew jî wiha axivî: “Divê ciwan ji bo avakirina Sûriyeyeke nû ne tenê li bakurê wê lê li seranserî xaka Sûriyeyê bên yekkirin.”Di beşa duyemîn a mijarê de ku li ser gavên herî girîng ji bo veguhertina demokratîk li Sûriyeyê û dîtina çareseriya herî guncew, hat nîqaşkirin. Hevseroka Ciwanên Pêşverû ya Suryan Miryana Îsa ev mijar birêve bir û destnîşan kir ku divê li hember fikrên modernîteya kapîtalîst têkoşîn bê meşandin. Nifşek zana û xwedî li çanda nîştimanî ya komker derdikeve ava bibe. Li gorî Miryan, çareserî, di şikandina qeydan û guhertina pergala Baas bi pergala Rêveberiya Xweser de û xurtkirina girêdana bi welêt û nivîsandina destûreke nû û got qebûl nakin ku vegerî beriya 2001`an.
Endamê Ciwanên Şoreşger a Partiya Yekitiya Demokratîk (PYD) şaxê Cizîrê Mihemed El Ehmed destnîşan kir ku divê ciwan ji vê bêtir cidî kar bikin, ji bo ku projeya demokratîk bi ser bixin ku yekitiya gelê Sûriyeyê teqez dike.
Komxebat bi encamnameyekê bi dawî bû:
Di Komxebatê de mijarên girîngiya rola ciwanan, pêwîstiya sekna ciwanan li hember belavbûna narkotîkê hatin nîqaşkriin.
Her wiha beşdaran girîngiya çalakkirina rola Meclisa Ciwanên Sûriya Demokratîk li ser asta Sûriyeyê, çalakkirina komîteyan û nûnerên Meclisa Ciwanan li Ewropayê gotubêj kirin. Dûr e pêşniyerên di panelên berê de hatine kirin piştî nirxandin û nîqaşê hatin erêkirin. Piştî erêkirinê ev pêşniyar bûn biryar û plansazî ku divê yekser bikeve meriyetê.
Ji biryarên ku beşdaran li ser erê kiriye mîna ku serokê Nivîsgeha Ciwanên Desteya Nîştimanî ya Erebî Yehya El Zab xwendiye wiha ne:
Pêwîstiya pêxistina têgeha welatîbûnê û welatîbûna komker, paşguhnekirina nasnameya ciwanan.
Birêxistinkirin û pêşxistina çanda zanabûna çanda civakî û siyasî di civakê de û li ba ciwanan.
Pêwîstiya rûniştandina, rêgezên fikrê demokratîk ê pirreng û rizgarî di metaryalan de, praktîkirina rêgezên edaletê, wekheviyê di navbera her du zayendan de.
Pêwîst e li hember şerê taybet ê li dijî civakê û ciwanan bê sekinandin.
Pêwîst e ji bo lidarxistina kongreya nîştimanî sûriyeyî-sûriyeyî xebat bê meşandin da ku şertên veguhastina demokratîk peyda bibin. Divê girîngiyê bidin rola ciwanan û tevlêkirina wan a çalak di xebatên siyasî û veguhertina demokratîk de.
Pêwîst e têkildarî doza ciwanan, lidarxistina panelan zêde bibe ji ber ku bi awayekî erênî bandor li zanistê û têgihiştina siyasî de.
Avakirina Meclisa Ciwanên Sûriyeyî ya Demokratîk li Ewropayê.
Rêgirtina li pêşiya koçberiya ciwanan bi rêya bilindkirinê hişyariya fikrî, tevlêkirina ciwanan di projeyên aborî de.
Civîna Astana l idijî şoreşa gelê Sûriyeyê û ji ber wê em biryarên wê red dikin.
