DÊRAZOR- Rêveberê Tevgera Ciwanên Şoreşger a Sûriyeyê Malik El Mihemed diyar kir ku dewleta Tirk tecrîda li ser Rêber Apo didomîne û wiha domand: “Dewleta Tirk armanc dike ku vîna Rêber Apo û gelên azadîxwaz bişkîne, şoreşa Bakur û Rojhilatê Sûriyê rawesrîne û projeya wê têk bibe ku gelê herêmê kir ye û ji terorê rizgar kir.”
El Mihemed destnîşan kir ku ciwan dê banga azadiya Rêber Apo bikin heta ku bi dest bixin û got: “Em dê fikrê wî di nava civakê de belav bikin.”
El Mihemed da zanîn ku ew dê bi rêya perwerdeyê xwe bi rêxistin bikin û li hember şerê taybet ê ku li dijî şêniyên herêmê tê meşandin, bisekinin û ev li gotinên xwe zêde kir: “Dewleta Tirk a dagirker hewl dide ku bi rêya siyasetên xwe civakê parçe bike.”
Rêveberê Komîteya Perwerdeyê ya Tevgera Ciwanên Şoreşger a Sûriyeyê ya rojavayê Dêrazorê, Elî El Hesen wiha got: “Fikrê Rêber Apo di mêjiyê me de ye û dê bixebitin ku vê fikrê pêk bînin û dê li tevahî cîhanê belav bikin.”
El Hesen bang li hêzên navneteweyî û rêxistinên mafên mirovan kir ku tecrîda li ser Rêber Apo bi dawî bikin û azadiya wî ya fîzîkî bi dest bixin.
El Hesen di dawiya axaftina xwe de soza berdewamkriina têkoşîn û berxwedanê da ji bo ku azadiya fîzîkî ya Rêber Apo dest bixin.
Ji sala 1999`an ve, Rêber Apo li hember tecrîdeke girand e ku li ser hatiye ferzkirin, berxwedaneke dîrokî nîşan dide.
Hêjayî gotinê ye ku parêzerên Rêber Apo di 2’yê û 22’yê Gulanê, 12’ê û 18’ê Hezîranê û 7’ê Tebaxa 2019’an de pê re hevîtinên pêk anîne û ji wê demê ve Rêber Apo nedîtine.
(ANHA)
