JI BO TEVAHÎ GEL Û CIWANÊN ME YÊN WELATPARÊZ
“Dewleta Tirk a faşîst li hember rêhevalên me yên ku keç û xortên vî gelî ne komkujiyekî hovane pêk anî, di vê komkujiyê de çekên nûkleer û kîmyawî hat bikaranîn. Ev yek li pêş çavên her kesî pêkhat û di encamê de 17 şoreşgerên qehreman ji Gerîlayên Azadiya Kurdistanê gihîştin şihadetê. Armanca van êrîşan ne tenê tunekirina şoreşgerên vî gelî ne, armanca wan şikandina vîna gelên berxwedêr û azadîxwaze ên ku li hemberî dagirkeriya wana li heremê dibin asteng û qebûl nakin. Her wiha armanca wan qirkirina gel e.
Ev 17 hevalên ku bi çekên kîmyawî şehîd ketine praniya wan di şerê li dijî DAIŞ’ê li Rojavayê Kurdistanê, ji Kobanî heya Baxozê cih girtine, şerkirine û birîndar bûne. Koalisyona ku li dijî DAIŞ’ê ava bûye ew jî dizane ku PKK’ê heya niha bi hezaran fermendar û şervanên xwe di şerê li beramberî DAIŞ’ê de li Sûriyê û Îraqê şehîd dane. Emêrîka û Ewrupa jî baş dizanin ku kî çeteyên DAIŞ’ê têk bir û kî sînorên xwe ji DAIŞ’ê re vekiriye.
Îro jî em dibînin ku dewleta Tirk a dagirker li hemberî ew kesên ku DAIŞ têk birine dixwezin tola DAIŞ’ê hilînin, ev yek jî bi alîkariya NATO û dezgehên wê tê pêkanîn. Li aliyekî Koalisyona li dijî çeteyan ava dikin û li aliyekî din jî dewleta çete a Tirk piştgirî dikin, ev dûrûbûnek mezin e. Di dîroka 18 Cotmehê de dîmenê 2 gerîlayên ku bi çekên kîmyawî bandor bûne û li ber şihadetêne hat weşandin.
Em wekî ciwanên Bakur-Rojhilatê Sûriyê li beramberî vê kiryarê bê deng namînin, bê deng mayîn şirîkbûna komkojiya ne, tiştên ku me nekiriye emê ji vir û şûnde bikin. 17 hevrê û hevalên me di vê êrîşa hovane de şehîd bûn em niha li şûna 17 hevalan bi 20 ciwan û jinên ciwan ên ji Bakur-Rojhilatê Sûriyê çekên van hevalan radikin û tevlî nava refên gerîla dibin.
Bila herkes bizanibe ku di Kurdistanê de nislê qehremanan naqede, heya ku yek ciwanekî bi rûmet bimîne wê ev têkoşîn berdewam bike û biçe serkeftinê. Tekane riya ku em bikaribin li şehîdan xwedî derkevin ewe ku em çeka wan rakin û ala wan rakiriye bilindtir bikin. Di demekî wekî niha de tevlîbûna nava refên PKK’ê bûye erka xwe yê mirovatî li beramberî şehîdan pêk anîn e. Bangewaziya me ji bo gelê me yê qehreman bi teybet jî ji bo ciwan û jinên ciwan re heye.
Werin tevlî cenga azadiyê bibin, werin li erk û berpirsyariyên xwe xwedî derkevin, werin li şehîdên xwe xwedî derkevin, werin tevlî pêngava serkeftinê bibin, werin tevlî nava refên gerîlla bibin.”
