NAVENDA NÛÇEYAN – Navenda Ragihandinê ya Hêzên Sûriyeya Demokratîk (QSD) der barê şehadeta 3 şervanên xwe de daxuyaniyek da.
Di daxuyaniyê de hat diyarkirin ku hêzên wan dê li hember êrişên dagirkeriya Tirk û çeteyên wê yên li dijî herêmê bisekinin û berxwedaneke bêhempa li hember hovîtiya dagirkeriya Tirk raber bikin. Hate diyarkirin ku dagirkeriya Tirk tu ferqê naxe navbera zarok, jin û kal û pîran; û malan bi çekên giran û qedexekirî dike hedef û tevahî peymanên navneteweyî binpê dike.
Her wiha di daxuyaniyê de hate destnîşankirin ku hêzên QSD’ê yên ku li ser bingeha parastina herêmê xwe bi rêxistin kirine, dê bersiva hemû êrişên dewleta Tirk û çeteyên wê bidin.
QSD di daxuyaniya xwe de wiha got: “Di 13’ê Kanûna 2021’an di encama êrişên dagirkeriyê yên li ser bakurê Til Temirê de 3 şervanên me piştî ku bi lehengane li ber xwe dan, şehîd bûn.”
Nasnameyên şehîdan wiha ne:
Navê şoreşgerî: Cîhad Kobanê
Nav û paşnav: Cîhad Hesen
Navê dayikê: Ferîde
Navê bav: Mehmûd
Cih û dîroka şehadetê: Bakurê Til Temirê, 13’ê Kanûna 2021’an
*****
Navê şoreşgerî: Diyar Kesk
Nav û paşnav: Yasîn Eksî
Navê dayikê: Gurbet
Navê bav: Hisên
Cih û dîroka şehadetê: Bakurê Til Temirê, 13’ê Kanûna 2021’an
*****
Navê şoreşgerî: Fedekar Kurdistan
Nav û paşnav: Eqîl Reşo
Navê dayikê: Zelûx
Navê bav: Henan
Cih û dîroka şehadetê: Bakurê Til Temirê, 13’ê Kanûna 2021’an
QSD’ê di dawiya daxuyaniya xwe sersaxî ji malbatên şehîdan re xwest û soz da ku wê armanca şehîdan pêk bînin.
