QENDÎL – Jinên Ciwan ên Tekoşer li Başûrê Kurdistanê tevlîbûna xwe ya ji bo pêngava komkirina îmzeyan û seferberî ya li dijî dagirkeriyê a ku bi şîara ’Ji bo Kurdistanek Azad û Serbixwe Faşîzm û Dagirkerî BIRUXÎNE!’ hatî dest pêkirin ragihandin.
Daxuyaniya Rêxistina Jinên Ciwanên Têkoşer wiha ye;
“Ev bi hezaran sale ku keç û xortên axa pîroz ya Kurdistanê ji bo serxwebû û azadiya welat û gelê me berxwe dide û têdikoşe. Êrîşên tunekirinê yê dagirkeriya Tirk li ser Kurd û Kurdistanê her ku diçe li hember berxwedanî derbên mezin dixwe. Dijminê faşîst yê dewleta Tirk a dagirker û hêzên hegemonîk di şexsê Rêber APO de komploya ku pêk anînbû niha jî ew komplo li ser gel û gerîlla bi cûr cûr dide domandin.
Balafirên şer ên dewleta Tirk a dagirker şeva 14’ê Hezîranê nîvê şevê êrişê Mexmûr, Şengal û Heremên Parastinê yên Medyayê kir. Herî dawî ciwanê Şeladizê ku di Serhildana Şeladizê de pêşengtî kiribûn kirin hedef û 5 ciwan şehîd xistin. Ev êrîş ne yekemîn bû. Helbet dê nebin ên dawîn jî. Ji ber ku dewleta Tirk a dagirker dijmineke gelê Kurd a sondxwarî ye. Ji ber vê yekê jî helwesta dijberiya van êrişan li ser milê hemû Kurdên birûmet û yên ku ji bo jiyana azad israr dikin, peywireke sereke ye. Hêzên gerîlla erka ku dikeve ser mile wî bi lehengî û bi egîdane tîne cih. Ji bo parastina axa xwe şer dike. Niha jî her çiqas rayedarên Irakê qebûl nekin jî dîsa tenê gerîlla parastina serweriya axa Irakê dike û li hember êrîşên dagirkeriya Tirk parêzwaniya Heremên Parastina Medya yê dike ku parçeyekî girîng ji herema Kurdistanê ya erdnîgariya Irakê ye. Her wiha gerîlla bi piştgiriya gel şerê parastinê heremê dike, mînaka wî jî Heftanîn e.
Em wek Jinên Ciwanên Başurê Kurdistanê ev baş dizanin ku hebûna Tevgera Azadî ya Kurdistanê li Qendîlê rê li pêşiya xelîfetiya terora Erdogan digire. Gerîlla bi berxwedaniya xwe ve hişt ku herêm bi terroristên DAÎŞ û El-Nusra ve nefetise û xeteriyên mezin li Irakê çêneke.
Li ser vî esasî wek gel, jin û ciwan erka ku dikeve ser mile me piştgiriya gerillayên azadîkirinê û ne tenê piştewanî em amadene ku gel û gerîlla li hemberî van êrîşan bi awayekî berxwedêr cih jî bigirin. Ji ber vê yekê em wek Jinên Ciwanên Tekoşer bi hamleya “BIRÛXÎNE” bi awayekî çalak cih bigirin û bi rolekî pêşengtiyê em ê rabin. Li hemberî dagirkerî tu car bêdeng namînin û erka xwe ya dîrokî bi cîh bînin. Di nava vê hamleyê de em jî wek Rêxistina Jinên Ciwanên Tekoşer, bi rengê xwe tevlî dibin. Li ser vî esasî 2017 an de biryara ku li parlemena Irakê de hatibû girtin ya ku leşkerê Tirkiye ji axa Kurdistanê derbikeve em bang dikin ku pêkanîna vê biryarê were bicîhkirin. Yek ji van xebatan ev e ku li ser esasê destpê kirina kampanyaya îmzayê dikin ku dewleta Tirk a dagirker ku bi noker û hevkariya PDK’ê hatiye ser axa me bila derkeve dikin.
