NAVENDA NÛÇEYAN
Di sedsala ku sîstema desthilatdar a mêr her cih, her sazî û kolanê cihanê dagirkiriye, li navenda Rojava gundekî jinan ku wan bi keda wan bi avakiriye ji bo tevahî cihanê dibe mînak. Gundê ku bi temamî aîdî jinê ye, li bajarê Dirbesiyê yê Rojava hatiye avakirin.
Gundê Jinwar ku avakirina wê hin jî bi temamî xelas nebuye, dibistan, nexweşxane, dikan û hemû derfetên ji bo ku jin û zarok jiyana xwe rêve dibin hatine avakirin. Ev gund ew wesfe ku di dilê mirov de tovê hêviyê jinûve şîn bibe. Gundê ku bi rengê jinê hatiye avakirin we dîsa dibe zaroktiya we. Li gundê xweşîk hemû tiştî bi keda dest û bi ronîya çavan hatiye xuliqandin.
Wek me di destêkê de anî ser ziman, zihniyeta desthilatdar a mêr vê cihanê ji bo jinê tengav kiriye, lê bi Şoreşa Rojava êdî jin jiyanek ku aîdî wê yê honandiye. Jinwar ji du peyvan pêk tê; Jin ku wateya wê nêzî jiyanê ye, û ji peyva war ku nêzî welat û ax e. Jinwar bi awayekî din tê mirov dikare bêje Warê Jinê.
Gundê ku li ser jiyana komunal û ekolojîk hatiye avakirin, bi hemû tiştê xwe komunale… Komunê wek tarzekî jiyanê dijîn, kêmasiyên maddî-manewî bihevre derbas dikin. Ji bo zarokên li Jinwar jiyan dikin dibistanê hene, û her wiha ji bo dayikan jî akademî hene ku perwerde ji jinên din digrin. Li vî gundî nezan mayin ne pêkane, ji ber hemû kêmasî û nebesî bi kedê tê derbas kirin.
Gundê ku bi keda jinê hatiye avakirin, bi giştî jinên ku hevjiyînê wan di Şoreşa Rojava de şehîd ketine, yan ji milê malbatên xwe derxistine derve, ango jinên ku ji destê hevjiyînê xwe tundiyê ditîne û ew avêtine derve li vir jiyan dikin. Çekirina gund ku hin jî didome heta niha 13 mal hatine lêkirin û jin bi zarokên xwe li vir jiyan dikin. Beriya em bikevin gund behna kedê li rûyê me da û li her derê xwêdan û westandina jinê hebû, lê encamê wê jî jiyanek bi nirx e.
Gunde Jinwar di heman demê de li dijî bajarbûnê jî serî hildanek e. Bajarên ku bi aqilê dewletê hatin avakirin, destpêkê li ser jinê û tevahî beşên civakê êrîşên xwe pêk tine û bi şaş kar anîna teknolojî û pîşesaziyê cihanê qirêj kiriye, pêşroja nifşê nû, yanî siberoja me qirêjkirine. Di bin wan şert û mercan de gundê jinê Jinwar li dijî hemû tiştên ku diwaze cihanê tune bike derketinek jinê ye û di heman demê de derketinek ekolojîk e. Jinwar girêdayinbûyina jinê bi axê re ku bi hezaran sal hebû didomine û îro jî ji bo mirovahiya ku ketiye binê betonê buye hêviyek.
Asta Têkoşîna Azadiya Jinê li Rojava hate bidest xistin ji bo hemû jinan serbilindahiyeke. Jina ku tiştekî aîdî wê tune bû, ne odeyek jî, niha bi hevîrê destê xwe avakirina Jinwar êdî gundek jinê ku têde ked, xwêdana wê heye û jiyanek li gorî dilê xwe jiyan dike heye. Êdî qadek jiyanê ji bo jinê heye. Bi qasî ezmanan şin ku hêviyê tine bîra mirov, bi qasî bereketa xwezayê, wek keskahiya kedê ku daye mirovahiyê bi nirx e. Ev nirxana ku bi azadiyê jinê kirina yek, wê kenê jinê bilind bike û hêviya ku jin li tevahî cihanê bi îradeya xwe li her welat, bajar, gund û kolanê jiyan bike derxine holê.
NC/Faraşîn Sîdar
