KOCAELÎ – Dayîkên 21 rojin li ber Girtîgeha Gebze dixwazin ji bo zarokên xwe yên li dijî tecrîda Îmraliyê di greva birçîbûn dene nobetê bigirin û tên astengkirin, diyar kirin ku ewê ji bo 7 hezar girtiyan, bi 7 hezar laçikên spî di 1’ê Gulanê de, dê li Bakirkoyê bin.
Îsal, dê 1’ê Gulanê Roja Karkerên Cîhanê li qada Baarê ya Bakirkoyê bê pîrozkirin. Li bendêye ku bi sedhezaran kes beşdarî pîrozbahiyê bibin û daxwazên xwe bînin ziman. Yek ji beşên daxwazên xwe li qadê bînin ziman dayik û malbatên girtiyên li dijî tecrîda li ser Rêberê Gelan Abdullah Ocalan di greva birçîbûnê ya bêdem û bêdorveger dene. Dayik û malbatên girtiyan ên 21 rojin dixwazin li ber Girtîgeha Sergirtî ya Jinan a Tîpa M a Gebze çalakiya rûniştan nobetê li dar bixin û her roj tên asteng kirin, anîn ziman ku ewê bi laçikên xwe yên spî li qada mîtîngê cih bigirin.
‘JI BO AZADIYÊ TÊDIKOŞIN’
Dayika Newroz Bozkûrt a 60 rojin li Girtîgeha Sergirtî ya Jinan a Gebze di greva birçîbûnê deye Sûltan Bozkûrt, diyar kir ku ewê bi laçikên xwe yên spî beşdarî 1’ê Gulanê bibin û wiha axivî: “Emê ji wir jî biçin ber Girtîgeha Gebze û çalakiya xwe ya nobetê li dar bixin. Em ji bo 7 hezar girtiyên di greva birçîbûnê de, bi 7 hezar laçikên spî beşdarî mîtîngê bibin. Em dixwazin hemû kes bi laçikên xwe yên spî beşdarî mîtîngê bibin. Ji bo 1’ê Gulanê di demê xwe de gelek bedel hatin dayîn. Di saya van bedelan em îro bi awayekê azad 1’ê Gulanê îro dibin. Zarokên me ji bo azadiyê têdikoşin. Ji ber vê emê jî li qadê bin.”
‘LAÇIKA SPÎ SEMBOLA AŞTIYÊ YE’
Bozkûrt, anî ziman ku laçika spî ji bo Kurdan girînge û wiha got: “Laçika spî sembola aştiyê ye. Ez bang li dayikên Kurd û Tirk dikim. Bila bi laçikên xwe yên spî bên qada 1’ê Gulanê.”
‘EM TENÊ AŞTIYÊ DIXWAZIN’
Dayika Nîhat Ekmez ê 126 rojin li Girtîgeha Şakranê di greva birçîbûnê deye Fehîme Ekmez jî, diyar kir ku ewê di 1’ê Gulanê de li qada Bakirkoyê bin û ev peyam da. Em tenê aştiyê daxwaz dikin. Divê daxwazên zarokên me bên qebûlkirin. Ji bo ku cenaze ji girtîgehan dernekeve, divê em bikin nava tevgerê. Em hemû kesî dawetî 1’ê Gulanê dikin. Ji bo grevên birçîbûnê em li hemû qadan dengê xwe bilind bikin.”
