Dewleta Tirk ya dagirker û çeteyên girêday wê roj bi roj êrîşên xwe li ser gelê Kurd dijwar dike. Qetl aman pêk tîne, me dit çawa li Efrîn mal û milkên gel talan kir û jinan tecawiz dikin.
QAMIŞLO – Derbarê Dagirkirina Efrîn û talankirina mal û milkên gel, her wiha êrîşên li ser Kurdan li Başurê Kurdistanê, Ajansa me ya Nûçe Ciwan nerînên eandamê ragihandina aboriya Rojava Welîd Hisên girt.
Endamê ragihandina aboriya Rojava Welîd Hisên di destpêka axaftina xwe de got: Dema mirov rewşa siyasî li Rojhilata navîn bi taybet li Rojava Bakurê Sûryê û bi taybet li Efrînê bi nirxîne mirov dibîne bê çawa şerekî ji bo qîrkirina gelan li ser destê dewletên dagirker û hêzên tarî tê meşandin. Dema em mijarê bînin ser berxwedana serdemê ya li Efrîn ku nêzî 2 mehan dewam kir û di qonaxa xwe ya duyemîn her berdewame. Berxwedana li Efrînê ji tevahî hêzên cîhanê re îsbat kir ku gelekî azadiyê bixuaze bi çi şêwazî bi û bi çi çekî be wê li ber xwe bide. Dema ku me şoreşa Rojava destpêkir gel bi vê şoreşê rabû ji bo azadiya xwe li ser fikir û felsefeyek û sîstemekê hat avakirin. Ew sîstem sîstemek demokratik bo ku gel bixwe xwe birêve bibe. Jiber wê dewletên desthiladar û diktatorên wek Erdogan ku her çiqasî demokrasî nêzî wan dibû diketin metirsiyê. Ji ber vê yeke ji destpêka şoreşa Rojava û heta roja îro êrîş li ser Rojava nesekinîne.
Hisên axaftin xwe wiha berdewam dike: Berxwedana me ne tenê di Efrîn de bu ku em bêjin hêzên tarî ketin Efrîn berxwedanî nema, jixwe hertim êrîş li ser Rojava hene, Dewleta Tir çawa êrîşî Serêkaniyê kir û xwest gel qîr bike û gava xwe ya yekemin dest pê bike û bin ket ev mînaka yekem ji berxedanê ye, mînaka duyemîn berxwedana Kobanê ye ku hemû hewldanên dewleta Tirk bi berxwedaniya gele Kurd bin ket. Jiber wê dewleta Tirk neçar ma ku bi xwe êrîşî Efrînê bike, û ji bu ku van êrîşan ji xwere rewa bike xwest bide diyar kirin ku sîstema birêve birin ku li Rojava û Bakurê Sûryê tê meşandin nikare xwe biparêze. Çima dewleta Tirk dixwest ku vê sîstema demokratîk têk bibe؟ Jiber ku dewleta Tirk ji rewşa xwe ya hidirîn ditirsiya, ji ber wê xwest ku vê sîstemê wek sîstemek ne serkeftî bide nişandan.
Hisên bal kişand ser alîkariya dewleta Tirk û çeteyên Daiş û got ku di êrîşên li ser Efrînê de çawa me dît ku dewleta Tir ya dagirker çeteyên kul i Kobanê bin ketin û bere xwe dan Tirkiyê çile xwe guhertin û berê xwe dan Efrînê.
Hisên derbarê bê exlaqiya dewleta Tirk û çeteyên wê li ser mal û milk her wiha gelê Efrînê ev tişt got: Me dît çawa dewleta Tirk û çeteyên wê li gond her wiha dema navenda Efrîn dagir kirin mal û milkê gelê Efrînê talan kirin û ev tişt li ber çavê hemî dunyayê, me dîmenê wê dît li ser ragihandinê bê çawa Efrîn talan dikirin û heta niha jî ev tişt berdewam dike. Her roj li Efrînê jin tên revandin û tecawiz kirin.
Heta darên zeytûnê kîn pêre dikşandin û ji xwere dikirin hedef.
Welîd Hisên derbarê qonaxa duyemîn ya berxwedana serdemê ya Efrînê got: Berxwedana me hîn berdewame di qonaxa xwe ya duyemîn, Bela dewleta Tirk nefikire heger ketiye Efrînê wê bi aramî bikaribe têde jiyan bike yan jî dikaribe dagir bike û demografiya herêmê bughere. Berxedan hîn berdewame ji ber ku Qonaxa duyemîn vê dixwaze ku şerê gerîla bê meşandin ku hêzên dagirker nikaribin ji herêmê derkevin. Ji xwe ev yek di daxuyaniya YPG’ê de hat xweya kirin ku yên bixwazin derbastî Efrînê bibin bila xwe ji mirinê re hazir bikin.
Hisên li ser êrîşên dewleta Tirk ya dagirker li ser Başurê Kurdistanê got: çima herêma Başurê Kurdistanê herêmek bi ewleye dewleta Tirk êrîşî wê dike û herêmên wê top baran dike. Jiber wê em jî wek bangewaziyekê ji hikûmeta herêma Kurdistan dikin ku li pêşiya van êrîşan bisekine. Hem jî hikûmeta Îraq gerek li ber van êrîşan bigre. Dema refrandûma herêma Kurdistan hikûmeta Îraq digot ev perçek ji îraqê ye, çima anha vê nabêje û erkê xwe yê parastina vê herêmê pêk naîne. Lê mixabin him hikûmeta herêma Kurdistan û him ya Îraqê bê dengin.
Welîd Hisên di berdewamiya axaftin xwe de bang li saziyên nav netewî kir û got: Em dibînin ku dewleta Tirk îro çawa dixwaze emperatoriya Osmaniyan vegerîne û ev tişt li ser hesabê qîrkirina Kurdan. Lê ev hemî li ber çavê saziyên nav netewî çêdibe û denge xwe nake. Em dibînin îro Daiş çawa alîkarî dide dewleta Tirk di bin navên çûda de û êrîşî gelên azadî xwaz dike. Ji ber wê em bang li dewletên nav netewî dikin ku bê deng nemînin. Hisên got ku Erdogan bi van êrîşan û peştgiriya ku dide çetan dixwaze demûkrasiyê bifetisîne.
Endamê ragihandina aborî ya Rojava Welîd Hisên di dawiya axaftina xwe de bang li dewletên nav netewî kir û got: Em bang li dewletên nav netewî dikin ku bila çavê xwe negrin li ser van êrîşên ku dewleta Tirk dide meşandin li hember Rojava,Başur û Bakurê Kurdistanê ku dixwaze gel qîr bike û li Bakurê Sûryê demografiya herêmê biguhere û zimanê Tirkî li ser ferz bike hem jî bike wîlayetek ji Tirkiyê ji ber wê pêwîste dewletên nav netewî li hember wê bisekinin. Hisên bang li gele Kurd jî kir ku li hember van êrîşan bisekine û banga li darxistina kongreke gelan kir bi taybet di vê dema niha de.
