Yekîtiya Ciwanên Rojava (YCR) û Yekîtiya Jinên Ciwan (YJC) ji bo çalakiya mezin Li Qamişlo daxuyani dan.
NAVENDA NÛÇEYAN – NÛÇE CIWAN
Yekîtiya Ciwanên Rojava (YCR) û Yekîtiya Jinên Ciwan (YJC) ji bo çalakiya mezin Li Qamişlo daxuyani dan.
Di Daxuyaniya xwe da wisa gotin ;
‘’Bangawaziya çalakiya mezin li Qamişlo di 30’ê mehê de Ji 20’ê meha Çile ve Dewleta Tirk a dagirker bi awayekî hovane êrîşî gelê me li Efrînê dike. Bi teyareyên şer, top û tankan li gelê me dixin. Hikumeta Erdoğan a faşîst dixwaze vîna şoreşa me bişkîne, çi ji destê wî tê dike ji bo ku me bikuje, talanbike û tunebike. Sivîl be, şervan be ji bo wan ne muhîm e. Ji ber vê yekê bajar û gundan dane ber topan. Efrîn dilê Rojava ye. Gelê Efrînê di çila salên zêdetir de gellek ked û xwîn di vê şoreşê de da. Gelê Efrînê cihekê xwe yê xuya di dîroka têkoşîna me de heye û niha jî bi berxwadana xwe ya herî pîroz navê xwe bi tîpên zêrîn di pelên dîrokê de daye nivîsandin. Ji 20’ê mehê ve ruxme ku dewleta Tirk a dagirker hemu derfetên xwe ji bo vî şerî seferber kiriye, bi hezaran leşkerên xwe û bi dehhezaran çeteyên xwe ji bo dagirkirina Efrînê anî ber sînor, di nava 7 rojan de nikaribûn gavekê jî ji axa Efrînê bigirin. Şervanên QSD, YPG û YPJ, gelê me yê qehreman ji her aliyê ve di bin êrîşa herî giran de ne, lê bi serfirazî û lêhengî gund û warên xwe diparêzin, her êrîşekî dagirkeran dişkînin. Çawa ku me li dijî DAÎŞ’ê berxweda û Bakurê Suriye ji wan re bû goristan, wê berxwedana gelê Efrînê jî ji Erdoğan û çeteyên wî re bibe goristan. Em bizanin ku ev şer şerekî hebûn yan tunebûne ye. Di vî şerî de dagirkeran hebûna me carekê din wekî dema Kobanê de hedef dikin. Ji ber vê jî em ê wekî ciwanên Bakurê Suriye bi awayekî topyekun bersiva vê bidin. Em ê ji bo Efrînê seferber bin. Çi ji me were xwastin em ê jê re amade bin û li gorî vê xwe rêxistin bikin û tevbigerin. Yan em ê serkevin, yan em ê serkevin, ji bilî vê rê li pêşiya me nîne.
Li ser van esasan em bang li tevahî gelê xwe û ciwanên Bakurê Suriye dikin: Biherikin ser kolanan, mevziyên xwe bikolin û silah hildin ser milên xwe. Bi rihê „Serî Hilde!“ dewleta faşîst a dagirker perçe bikin! Em bang li tevahî gelê xwe û ciwanên Kantona Cizîrê dikin, di 30’ê vê mehê de, roja sêşemê her kes jiyana xwe ji bo Efrînê bide sekinandin, li hember faşîzma Erdoğan û çeteyên wî serî hildin. Hemu ciwan û taybet jinên ciwan, ciwanên xwendekar, karker, gundî, ji Dêrikê heta Serêkanî, ji Hesekê heta Amudê wekî lehîyekî pêwîste ew roj biherikin Qamişlo. Em ê bi rihê „Herder Efrîn, herder berxwedan!“ di 30’ê mehê de werin Qamişlo, tevlî meşa mezin a berxwedana Efrînê bibin! Em ê ji hemu cîhanê re hêz û vîna şoreşa gelan bidin nîşandan û biryara xwe ya berxwedanê carekî din ji dagirkeran re ragihînin.’’
Dawiya daxuyani da sloganên ‘’Bijî Serok APO! Bijî berxwedana Efrîn! Serî Hilde! Serî Hilde! Serî Hilde!’’ hat avetin.
