HESEKÊ – Îro, civîna salane ya Yekîtiya Jinên Ciwan li bajarê Hesekê hate darxistin. Endamên Yekîtiya Jinên Ciwan, û her weha saziyên jinan beşdarî civînê bûn.
Civîn ji bo şehîden şoreşê bi deqeyek rêzgirtin dest pê kir. Piştrê xebatên salane hatin nirxandin, her wiha li ser serkeftin û astengiyên ku derketine holê nîqaş hatin kirin. Beşdaran her wiha li ser plansaziyên ji bo serdema pêş de nêrînên xwe parve kirin.
Piştre, di civînê de pêşandana sînevîzyonek ya ku xebatên jinên ciwan ên di sala borî de nîşan dide hate nîşandan.
Dawiya civînêda daxûyaniyek ji aliyê endamê Yekîtîya Jinen Ciwan Şam Hesekê hat xwendin. Daxûyanî wisa bû;
Di vê qonaxa krîtîk û bi rastî dîrokî de, bi banga aştî û civatek demokratîk, Rêber APO rêyek nû girtiye ser xwe, berpirsiyariyên dîrokî hilgirtiye ser xwe û erkên xwe qebûl kiriye.
Barê herî mezin dikeve ser milê jinan, lê tevî pêvajoya aştî û civaka demokratîk, em dibînin ku dijmin meylên xwe yên ber bi parestina kolektîf nîşan dide. Rewşa Rêber Apo di girtîgeha İmrali de hîn jî nayê qebûlkirin, û ji bo guhertina statuya Rêber APO ti gavên qanûnî nehatine avêtin. Em, wekî Yekîtiya Jinên Ciwan, israr dikin ku divê şert û mercên azadkirina Rêber Apo werin sererast kirin. Bi rastî, azadiya Rêber APO di navenda hewldanên me de ye. Ji ber vê yekê, divê em Rêber Apo bibînin û iyana wî bijîn. Armancên me ji têkoşîna dîrokî derdikevin, û divê em hewl bidin û jiyanê bidin vê armancê. Pîvana serkeftinê ji bo kar û hewldanên me azadiya Rêber Apo ye. Li ser bingeha jiyana komunal û di bin dirûşmeya hevaltiya komunal de, em ê bi Rêber APO re bijîn. Me civîna xwe ya salane ya Yekîtiya Jinên Ciwan li bajarê Hesekê li dar xist. Civîna me bi xwendina perspektifên Rêber Apo ji bo jinên ciwan, xwendina rapora salane ya li ser çalakî û bûyerên jinan û nîşandana sînevîzyonek li ser çalakiyên jinên ciwan di hemî waran de dest pê kir. Civîn bi çend pêşniyar û bernameyên xebatê bi dawî bû. Bername wiha ye: Bala Yekîtiya Jinên Ciwan ji bo sala nû dê azadiya Rêber Apo be. Bingeha hemî xebat, bûyer û çalakiyên îsal:
2- Em felsefeya Rêber APO wekî bingeh û rêwîtiya xwe ya dîrokî digirin. Li ser vê bingehê, em ê qursên dibistanê yên girtî ji bo jinên ciwan, pêşangehek vîdyoyên li ser jiyana Rêber APO vekin û têkoşîna jinên ciwan ji bo bidestxistina azadiya fîzîkî mezin bikin.
3- Bilindkirina hişmendiyê di nav ciwanan de û pejirandina prensîba jiyana komunal wekî bingeha xebata me.
4- Ji bo ku derfetên kar ji bo jinên ciwan peyda bibin, em ê projeyên ku xizmetê ji azadiyê jinan re dikin vekin.
– Ji bo ku jinên ciwan bikaribin di nav komunan de rola xwe ya pêşeng bilîzin, em ê li ser aktîvkirina stûnên çanda werzîşê, xwendinê û parastinê bixebitin.
– Xwe hişmendî û hêzdarkirina jinan ji bo lîstina rola xwe di hemû waran de siyasî, civakî, medyayî û pêşengtiyê. Rêxistinkirina komxebatan.
7- Li komînan, berçavgirtina nêrînên ciwanan û rêxistinkirina projeyên peşxistinê. Veguherandina navendên jinên ciwanan wek navendên zanistî, felsefî, dîrokî û çandî.
