QENDÎL – Di 3’ê Îlonê de, gerîla Bêrîtan Amed û Çiya Rizgar, ku ji ber nexweşiyê gihiştin şehaaadetê, bi merasîmekê bi heybet li Şehîdgeha Şehîd Mehmet Karasungur a li Qendîlê hatin veşartin. Dîmenên merasîma leşkerî ya ji bo şehîdan hatin parvekirin.
Merasîma ku li Şehîdgeha Qendîlê hat lidarxistin, bi silavkirina leşkerî ya gerîlayan dest pê kir. Piştre Cîhan Întîkam li ser navê Tevgera Azadiyê axaftinek kir. Întîkam sersaxî ji malbatên herdu şehîdan, bi taybetî ji Rêber Apo, gelê Kurd û hevalên wan re xwest, û bal kişand ser têkoşîna Bêrîtan Amed û Çiya Rizgar.
Cihan Întîkam diyar kir ku Bêrîtan Amed di sala 1992’an de tevlî refên azadiyê bû û bi fedakariyeke mezin hem di nav gel de û hem jî di herêmên gerîla de şer kir. Wî diyar kir ku Çiya Rizgar ji sala 2013’an vir ve li deverên herî zor de berxwedanê kiriye û her du şehîdan dewerên ku tekoşîn pêwist bû pêşengtî kirine. Wî axaftina xwe bi van gotinan bi dawî kir: “Wekî hevalên wan, em ê têkoşîna wan ji bîr nakin; em ê heta dilopa dawî ya xwîna xwe li pey şopa wan biçin.”
Piştre, li ser navê Koordînasyona Komalên Ciwan Ozgür Şerker axivî. Şerker axaftina xwe bi van gotinan dest pê kir: “Ez ne li ser navê xwe, lê li ser navê bi hezaran hevalên ku dixwastin li vir bin, gelê me û hemû rêhevalên me yên vir diaxivim.”
Şerker behsa têkoşîna 52 salan a Rêber APO kir û got: “Rêber APO di demekê de ku ji bo gelê Kurd tiştekî nehatibû hiştin, bi baweriyek mezin tekoşîn pêşxist. 26 sal in ku ew nîşanî me dide ku li Îmraliyê têkoşînek çawa tê kirin. Bi hezaran hevalên me di vê rêyê de canê xwe feda kirine. Şehîd Bêrîtan û Çiya jî yek ji wan hevalan e.”
Şerker gotinên Çiya Rizgar bi bîr xist û tekez kir: “Bêyî PKK’ê nefesgirtin ne mimkûn e.” Wî rave kir ku Çiya Rizgar bi awayekî çalak beşdarî berxwedana xwerêveberiya Nisêbînê, berxwedana Kobanîde li Pirsûse cîhê xwe girtiye û berxwedana Serêkaniyê ya 2019’an bûye û tevî nexweşiya xwe jî, ew her tim li eniyên pêş bû ye. Wî got, “Ji Bakurê Kurdistanê heta Rojava, heval Çiya di her aliyê têkoşînê de amade bû.”
Şerker behsa hevaltiya Çiya Rizgar kir û got, “Şehîd Çiya bi rihê Apogerî li deverên herî dijwar pêşengtî kir. Bi wê re, me hevaltiya rastîn û xeta fedakariyê dît. Çiya wekî navê xwe de bi qasî çiyayên Kurdistanê, bi heybet bû. Ji bo tu hevalên wê yên ku wê nas dikirin ne mimkun bû ku wê bê moral bibînin.”
Piştî axaftinan, nasnameyên şehîdan hatin xwendin. Bêrîtan Amed û Çiya Rizgar li kêleka hevalên xwe li Şehîdgeha Qendîlê, bi dirûşmeyên wekî “Şehîd Namirin” û “Bijî Serok Apo” hatin veşartin.
