TIŞRÎNÊ – Nêzî 30 roj gelê Bakur û Rojhilatê Sûriyê li bendava Tişrînê bi berxwedaneke bêhempa didin nîşan dan.
Bi giştî berxwedanê de di encama êrîşên dewleta Tirk a dagirker gelek şehîd hat dayîn. Şehîd Bavê Teyar (Cûma Xelîl) jî wan çalakwanên nobedê bû û bû sembola berxwedana Tişrînê.
Gelek welatî rixmê hemû êrîşan jî ji bo ku bi biryar bendava xwe berê xwe didin Tişrînê. Yek ji wan nobetdaran ku cara duyemîn tê ser bendavê jina ciwan a bi navê Helese ye. Helese cara xwe ya yekem ser bendavê de bi Şehîd Bavê Teyar nobedê digire.
WÊ BAVÊ TAYER HER TIM PÊŞENGÊ ME BIMÎNE
“Navê min Helese ye. Ez ji bajarê Qamişlo me. Ev cara duyemîn eze li Tişrînê nobedê digirim. Cara yekem Şehîd Bavê Teyar jî li wir bû û me bi hev re li bendava Tişrîn nobeda xwe girt. Bavê Tayer wê demê gelek hêz dida me, bi taybetî bang li jinên ciwan kiribû ku beşdarî parastina Tişrînê bibin.
Bavê Teyar dema em zarok bûn jî pêşenge me bû. Wê Bavê Tayer her tim pêşengê me bimîne, ji ber vê em weke jinên ciwan li vir in.
Dijmin nikare tiştekî li hemberî me bike û nikare berxwedana me qels bike. Em bi şîara “Em ji mirinê natirsin” li vir in û emê berxwedana Bavê Teyar bidomînin.”
Maçit Xelef Şendîn jî ji bo xwedi Şehîdan Bendavê derkeve hat Tişrînê. Maçit ji zarokatiya xwe ve Şehîd Bavê Teyar nas dike û
bi salên bi Bavê Teyar maye.
ŞEHÎD BAVÊ TEYAR DI DILÊ HER KESÎ DE YE
“Navê min Maçit Xelef Şendîn e. Ez ji Enteriyê (Qamişlo) me. Ez hatim Tişrînê ji bo şopa Şehîd Kêfo, Şehîd Bavê Teyar û Şehîd Menîca bimeşim. Şehîdan Bendavê her tim di dilê me de bin. Her ji wan şehîdan welatparêz bûn.
Min Bavê Tayar baş nas dikir. Em 4 salan li Lîbyayê bi hev re bûn. Bavê Teyar 24 saetan tenê ji bo azadiya Kurdistan kar dikir.
Dema Bavê Teyar Şehîd ket, dilê bi milyonan Kurd şikest. Lê belê gel hewl da xwedi li Şehîd Bave Tayar derkeve.
Merasima Bavê Teyar gelek heybetli bû, ji çar aliyê Rojava xelk hatibûn. Şehîd Bavê Teyar di dilê her kesî de ye.
Dema zarokan Bavê Teyar di televizyonê de dîtin, gelekî kêfxweş dibûn. Her ku gelê me Bavê Teyar li ser ekranan didît, tijî moral dibû. Hemû Kurdistan tijî xem bû. Tu tenê çavên Bavê Tayar mêze dikir û te moral jê digirt.
Em bang li ciwanên Kurd dikin, hemû ciwan, bi taybetî yên ku bi Bavê Teyar re mezin bûn, xwedi Bavê Teyar derkevin.
Divê ciwan rêya Bavê Tayar bişopînin, piştgiriya QSD bikin û rêya şehîdan bişopînin.”
