MEXMÛR – Li Wargeha Mexmûrê Şehîdên Tabûra Nemiran Şehîd Asya Elî (Mîne Sevjîn Alçîçek) û Şehîd Rojger Hêlîn (Alî Orek) ku di 23’yê Cotmehê de li Enqereyê çalakiya fedayî pêkanîbûn, bi merasîmekê hatin bîranîn.
Merasîma bîranînê bi kombûna xelkê wargehê ya li Saziya Malbatên Şehîdan a Mexmûrê bi deqeyek rêzgirtinê ji bo tevahî şehîdên Tevgera Azadiya Kurdistanê destpê kir. Piştî rêzgirtinê li ser navê xelkê wargehê Hevserokê Meclîsa Gel a Mexmûrê Ehmed Şehbaz axivî.
Ehmed Şehbaz di destpêka axaftinên xwe de, di kesayeta her du şehîdan de hemû şehîdên azadiya Kurdistanê bi bîrananî û wiha peyîvî: “Ev her du fedayiyên me hevala Asya û hevalê Rojger ji nava welatê me derketin bû hêz û çirûsk. Lê dijminê me ew qas hove nahêlin ciwanên me, dayik û bavên me di welatek azad de kêfxweş bijîn. Ji ber ku bi sedsalane li ser civakên weke civaka Kurd dewleta Tirk xwe ava kir, xwe mezin kir û bi dewletan re mil bi mil şer kirin, dîsa jî şervanên wan Kurd bûn. Lê di vê çil saliya derketina Partiya Karkerên Kurdistan (PKK) ya ku bi fikir û ramanê Rêber Apo hatî avakirin, ciwanên Kurd gotin em wekî mirovên Rojhilata Navîn li ser axa bav û kalên xwe li ser mêrg, kanî û çiyayên xwe dikarîn maf bigirin. Ji ber wê ev çil salin li beramberî dijmin em xwîn dirijînin, can û mal didin lê dijminê ku digot ‘îro ne, sibe yan salek din emê hemûyan xilsa bikin’ heta digotin ku ‘me reqema pêlavên wan jî girtine.’ Lê hevala Asya û hevalê Rojger gotin ew cihê ku çiyayên me, dar û kevirên me dihelînin emê wê derê li we bikin jehir. Ji ber wê çalakiya ku li Enqereyê hatî kirin, mirov dikare bêje bi hişmendiya dewleta Tirk ya ku li ser xwîn û komkujiya gelê Kurd, zanista muhendizên xwe di wir de dixwest pêşbixe û gelê Kurd di komkujiyan re derbaz bike, ev her du lehengên me gotin em nahêlin hûn bi rehetî teknolojî li ser me pêkbînin.
Eger îro şervanên Kurd li hemberî dewletek ya NATO’yê ku dibêje ez bi leşkerên xwe ve dewleta duyemînim, milîtanên Kurd biçe di sînga wan de li hemberî hişmendiya wan çalakî bike, helbet ji bo cîhanê, navnetewî û kesên ku heskirina wî ji welatê wî re hebe pir watedare. Ew Kurdên ku bi salan bi dijminên xwe re şer dikirin digotin em bejin em Kurdin, wê serê me lêbide, lê îro bi saya Rêbertî û şehîdan diçin di Enqereyê de çalakiyên wiha pêktînin û dijmin nikare pêşiya vêya bigire. Helbet ev cihê kêfxweşiyê ye. Dem hatiye wê zalim bişkên, wê ku xwedî doz, bawerî û bi welatê xwe ve girêdayî wê serbikeve û yên bin bikevin jî dijminên hov û xiyanetkarin.”
Îşev wê li Saziya Malbatên Şehîdan di demjimêr 19:00 heta 21:00 ji bo herdu şehîdan konê sersaxiyê were danîn.
Merasîma bîranînê piştî azaftinê bi dirûşmeyên ‘Bijî Serok Apo’, ‘Bijî Tabûra Nemiran’ bi dawî bû.
