NAVENDA NÛÇEYAN- Hêzên Rizgariya Efrînê (HRE) nasnameya 2 şervanê xwe eşkere kir û diyar kir ku “Hevreyê me Xemgîn di roja 7’ê Cotmehê û hevrê Zîndan jî di roja 9’ê Cotmehê de li herêma Efrînê de tevlî karwanên nemiran bûn.”
Daxuyaniya HRE bi vî rengî ye:
“Ji Çapemenî û Raya giştî re!
Hevrêyê me Xemgîn Heleb û Zindan Efrîn ku di çarçoveya Qonaxa Duyemîn a Berxwedana Serdemê ya Efrînê de cihê xwe di nava refên me de digirtin, dema li ser erk û wezîfeya xwe bûn, hevrê Xemgîn di roja 7’ê Cotmehê û hevrê Zîndan jî di roja 9’ê Cotmehê de li herêma Efrînê de tevlî karwanên nemiran bûn.
Di destpêka alozî û qeyrana Sûriyê de gelên heremî karî xwe rêxistin bike, li dijî zilm û zordariya serdemê hêza parastinê avakirin li ser van bingehan bi xwîna hezaran zarokên vê gelê berxwedêr û serhildêr Şoreşa Rojava hêvî da tevahî mirovahiyê. Şoreşa Rojava di demekî kin de veguherî şoreşa mirovahiyê, bû deryayekî ku her rengan hildigire nava xwe. Pêkhateyên heremê ên Kurd, Ereb, Sûryan, Tirkmen û hwd. hebûna xwe di vê şoreşê de dîtin. Di hemû pêvajoyên şoreşê de hemû pêkhateyên me rol û misyona xwe ên şoreşê hilgirtin ser xwe. Keç û xortên egîd ên gelê me di heman eniyê de hatin gel hev û li hember dijmin mil bi mil şer kirin. Ne tenê ji bo avêtina dijmin li ser axa me, ji bo parastina nirxên şoreşê, ji bo avakirina jiyaneke azad û bi rûmet jî heman têkoşînê meşandin.
Ji vê deryaya bi reng û xemilandî hevrêyê me Xemgîn Heleb ku ji pêkhateya Ereb e û rêheval Zindan ji warê berxwedana serdemê yê Efrînê ye, li hemberî dijminên gelan berê xwe dan nava refên şoreşê û dest bi têkoşînê kirin.
Hevrêyên me Xemgîn û Zindan bi coş û kelecanek mezin, bi taybetî Şoreşa Rojava a ku bi lehengên xwe destanên bê hempa afirandin, hêvî û bawerî da mirovahiyê ev yek bala hevrêyên me kişand. Hevrêyên me dan ser şopa keç û xortên ku bi xwîna xwe destan di rûpelên dîrokê de nivîsandine. Hevrê Xemgîn û Zindan jî bi jiyan û sekna xwe yên tekoşînê carekî din diyar kirin ku li hemberî her cûre dagirkerî û nokeran tawîz ji berxwedan û serkeftinê ra neyê dayîn.
Em weke Hêzên Rizgariya Efrînê carekî din jî diyar dikin em ê xeyal û armancê hevrêyên xwe bi serkeftinê ve tacîdar bikin. Li ser van esasan di serî da em sersaxiyê ji her du malbatê hevrêyê xwe Xemgîn û Zîndan û ji tevahî gelê xwe yê welatparêz ra dixwazin.
Nasnameyên rêhevalên me yên şehîd wiha ye:
Nasnav: Xemgîn Heleb
Nav û Paşnav: Xeluf Dahir
Navê Dayikê: Merfet
Navê Bav: Mihemed
Cih û Dîroka Şehadetê: Herêma Efrînê / 7’ê Cotmeha 2024
Nasnav: Zindan Efrîn
Nav û Paşnav: Hemîd Elo
Navê Dayikê: Nizhet
Navê Bav: Esmet
Cih û Dîroka Şehadetê: Herêma Efrînê / 9’ê Cotmeha 2024
Hêzên Rizgariya Efrînê
10’ê Cotmeha 2024
