BEHDÎNAN- 20 ciwanên Ereb û Kurd di daxuyaniya çapemeniyê ya li Çiyayê Azadiyê de diyar kirin ku ji bo azadiya fizîkî ya Rêbertî pêk bînin, wan berê xwe dane Rêbertî û tevlî nava refên gerîla bûne.
Ciwanên têkoşer diyar kirin ku weke ciwanên APO saniyeyekê jî jiyanek bê Rêbertî qebûl nakin û wiha gotin: “Em bersivê didin tecrîd û faşîzma 26 salan. Bi vîn û bi ruhê şehîdên xwe berê xwe didin Rêbertî û çiyayên azad.”
Di daxuyaniyê de hat ragihandin ku polîtîkaya qirkirin û îmhayê ya li Îmraliyê her roj zêde dibe û ev sîstem pergala tasfiyekirina gelan e û hat gotin, “Her roj, her saet û her kêlî, Rêberê me li dijî vê pergala îşkenceyê ya li ser me, li ser ciwanan, jinan û gelan li ber xwe dide û têdikoşe.”
Ciwanên bang li hemû ciwanan kirin ku agirê berxwedanê li ser rêya Bişeng, Tolhildan û Sarayan bilind bikin, tevlî nava refên azadiyê û felsefeya Rêber APO bibin.
Daxuyani bi zimanê Kurdî:
Daxuyaniya bi zimanê Erebî:
Bi giştî daxuyanî wiha ye:
Ji bo hemû gelê me yê welatparêz û ciwanên berxwedêr re!
Em di sala 26’emîn a komploya navneteweyî de ne. Ji roja ku Rêbertiya me di 15’ê Sibata 1999’an de dîl hat girtin, di şexsê Rêbertiya me de bi milyonan, gel, jin û ciwan hewl didin dîl bigrin. Xwestin jiyana bê Rêbertî bi me bidin qebûlkirin.
Polîtîkaya qirkirin û îmhayê li Îmraliyê her roj zêde dibe. Nêzî 4 sal in tu xeber ji Rêber APO nayê girtin. Jiyana Rêber APO di xeteriyê de ye. Sîstema Îmraliyê sîstemeke ji bo tasfiyekirina kesên ku dibêjin em Kurd in, jin in, ciwan in, sosyalîst in, azadîxwaz in, demokrat in hatiye amadekirin. Rêbertiya me her roj, her saet û her kêlî li dijî vê pergala îşkenceyê ya li ser me, ciwan, jin û gelan li ber xwe dide û têdikoşe. Rêber APO li Îmrali destana berxwedanê ya ku rûmeta mirovahiyê diparêze dinivisine û paradigmaya azadiya jin, demokratîk û ekolojîk pêşkêşî hemû gelan dike.
Em weke ciwanên APO’yi diyar dikin ku em saniyeyekê jî bêyî Rêbertî jiyankirin ji xwe re qabûl nakin. Em bi vîn û ruhê şehîdên me ku li dijî tecrîd û faşîzma 26 salan de nîşan dane, berê xwe didin Rêbertî û çiyayên azad.
Hemû hêzên NATO’yê, di serî de rejîma faşîst a metînger AKP-MHP û Amerîkayê, ji bo îmha û tasfiyekirina Rêberê me, Tevgera me ya Azadiyê û Kurdistanê, her cure planên qirkirinê xistine meriyetê. Li dijî van polîtîkayan, gerîlayên HPG û YJA-STAR li Zap, Avaşîn û Metînayê destana berxwedanê dinivîsin û bi operasyonên şoreşgerî ji metîngeran, faşîstan, ji çekên wan ên kîmyewî û qedexekirî, hesap dixwazin, û koka wan dikolin!
Di pêvajoyeke wiha de divê her kes erka xwe pêk bîne. Divê hemû ciwan û jinên ciwan, gelê me yê welatparêz zanibin ku ji jiyana di bin siya faşîzmê de re nayê gotin jiyan. Ji bilî koletiyê tiştekî din nîne ku faşîzmê bide me. Divê em tu carî sîstemeke hov, tecawizkar, tacîzkar ku her roj jin, zarok û xwezayê qetil dike, bi sedan mirovan diavêje zindanan û îradeya gel paşguh dike qebûl nekin!
Şehîd Bişeng, Şehîd Sara û Şehîd Tolhildan, ku di encamê êrîşên Komara Faşîst a Tirkiyê de li Herêmên Parastinê yên Medyayê de şehîd bûne, ji bo me ciwanên rêber in. Bîranînên rêhevalên me yên ku di tevahiya jiyana xwe ya têkoşînê de nûnertiya ruhê berxwedêr ê jin û ciwanan kirin, li pêşiya me diyar dikin. Li ser vê bingehê em bi ruhê fedaî a Şehîd Bişeng, Şehîd Sara û Şehîd Tolhildan tevlî Rêbertiyê dibin.
Rêber APO Azadî ye, Rêber Apo jiyana nû bi xwe ye. Weke ciwan me sond xwariye ku emê bi Rêbertî re bijîn; Em çeperên gerîlayên ku li dijî faşîzm û îstîsmarê jiyana xwe ya exlaqî û mirovî diparêzin, weke cihê heqîqetê dibînin. Cihê her ciwanê ku dixwaze bi azadî, mirovahî û bi rûmet bijî çiyayên azad in! Li ser vê bingehê em bang li hemû ciwan û jinên ciwan dikin ku bi heqîqetê rabin û berê xwe bidin refên PKK û PAJK’ê!! Em bang li we dikin ku di rêya Bişeng, Sara û Tolhildan de agirê berxwedanê bilind bikin!
Werin em hemû li dora Rêbertî bibin xeleka ruh û vîna ciwanên APO’yi! Bi rihê apoyî emê cenga azadiyê serbixin!
Ciwan fedayê Rêber APO ne!
Bijî Serok APO!
Bê Serok Jiyan Nabe!
Bi Can Bi Xwin Em Bi Te Re ne Ey Serok!
