HESEKE – Rêber Apo ji sala 1992’an heya 1999’an de li Sûriyê jiyan kir heya ku bi destê dewletên navnetewî hat dîl girtin. Ev 25 sal in ku di girtîgeha Îmraliyê de ye, lê rûxmê wê fikirê wê her belav dibe û bi taybetî jî li Rojavayê Kurdistanê şoreş li ser fikirê Rêber Apo pêşket. Roja îro jî bû zêdetirî 3 sal ku tu agahî ji Rêber Apo nayê girtin.
Endama Meclîsa Tûwena ya bajarê Heseke Nisrin Ramû Heyder, derbarê bandorê fikirê Rêber Apo li ser herêmê, guhertinên zihnî ku piştî şoreşê çêbûn û li ser girîngiya azadiya fîzîkî ya wî bi Ajansa Nûçe Ciwan axivî.
BI FIKIRÊ SEROKATÎ GELEK VEBÛN ÇÊBÛ
“Ez ji Tuwêna me. Ez di meclîsê de kar dikim. Dema fikirê Serokatî derbasî vir bû, dest pê ka şoreşê, gelek guhertin di nav me de çêbûn, guhertin ji bo jinê, ji bo ciwanan. Di dema rejîmê de jin nînbûn, kole bûn, tiştek bi navê ciwanan tunebû. Dema şoreşê, bi fikirê Serokatî, dema me perwerdeyê Serokatî dît, me xwend, bi rastî me çavên xwe vekir ji aliyê jinê, ji aliyê ciwanan, gelek vebûn çêbû. Ciwan rabûn, dengê ciwanan derket, jin rabû, ket nav şoreşê. Jin di nav şer de, di nav civakê de, di nav meclîsan de gelek bi ser ket. Ev serkeftin berî tunebû, lê bi fikirê Serokatî jin gihand merheleyekî ku bû her tişt. Bû hevserok, rêveber, şehîd, dayîka şehîdan, hevjîna şehîdan, xwîşka şehîdan. Bi rastî gelek serkeftin di vir de çêbûn.
JI DEMA REJÎMÊ GELEK FERQ HEYE
Di navbera dema rejîmê û dema niha bi fikirê Serokatî gelek ferq heye. Dema rejîmê, fikirê kurd û ereb tunebû, fikirê kurd û ereb dijminên hev du hebû. Dema fikirê Serokatî hat, fikirê Serokatî ne wilo bû, civakekî demokratîk bû, hezkirin bû, ji aliyê kurd, ji aliyê ereb, aliyê yezîdî, aliyê hemû gelan ku di axa Rojava de runiştî nin, bû fikirê hezkirinê, bû fikirê biratiyê. Ama di nîzama rejîmê de na, kurd dijminê ereb, ereb dijminê kurd bû. Di dibistanan de wilo bû, di civakê de, heya di kolanan de, ev fikir diket biçûkan heya mezinan, ev zihniyet gelek bandor li ser me kir. Dema fikirê Serokatî daket bi rastî giştî hat guhertin, fikira jinê çêbû, fikira ciwanan çêbû, hezkirin di nava milet de çêbû, biratî çêbû, cîrantî çêbû, em bi hev re kar dikin, ereb, kurd, yezîdî, xristiyan, çi gel li vir, em bi hev re kar dikin û rojên xwe derbas dibin.
RÛXMÊ DI ZINDANÊ DE YE EM HÊZA XWE JI WÎ DIGIRIN
Serokatî dema fikirê xwe da, ne li ser kurdan tenê bû, Serokatî rêberekî giştî ye. Fikirê Serokatî mezin e, rûxmê niha di zindanê de ye, em hêza xwe ji wî digirin û em li ser felsefeya Serokatî kar dikin. Dewleta Tirk çiqas îro bû 3 sal ser wî me giştî qut kirî, ji malbat, ji parêzer, ama fikirê Serokatî di dilê me de ye. Heya em hebin emê ser fikirê Serokatî rabin, ciwan bin, jin bin, giştî bin, fikirê Serokatî di dilê me de ye. Malbatên me yên dilxwazên fikirê Serokatî emê bi destê ciwanan emê bigihînin fikirê Serokatî û em ê biserbixin jî, lê tu carî em naşkin. Dewleta Tirk dixwaze me bişkîne bi Serokê me. Tecrîd ku li ser Serokatî çêkirin li ser me hemû çêkirin. Lê em naşkin ji ber fikirê Serokatî gihîşt mijiyê me, em gihandin nêrînekî, çavên me vekirî bûn, ji aliyê dibistanên wî, perwerdeyê wî, em giştî dixwînin, em dihesînin ku Serokatî bi me re rûniştî ye, ji ber ku fikirê ku da me fikirekî civakî ye, fikirekî hezkirin, bi rastî ez dixwazim em giştî ser fikirê Serokatî kar bikin, û em nasekinşn heya em bigihînin azadiya Serokatî. Azadiya Serokatî azadiya me ye, bi hev du re hatiye girêdan, emê giştî miletên li ser vê axa Rojava destek bin, emê bigihînin azadiya Serokatî.”
