NAVENDA NÛÇEYAN – Berjîn Guneş ku li ser navê komîteya amadekar a Festîvala Ciwanên Kurdistanê ji ajansa me Nûçe Ciwan re hevpeyvînek kir û got, “Em weke ciwan çand bingeha hebûna me ye û ji bo parastina hebûna xwe parastina çandê ji avê û xwarin girîngtir e.”
Daxuyanî bi vi rengî ye;
“Li ser navê komîteya amadekar em hemû gelê xwe yê welatparêz bi taybet ciwanên şoreşger ên li Ewropayê dijîn vedixwînin Mîhrîcana Ciwanên Kurdistanê ku em ê di sala 2024’an de bi dirûşmeya ‘Çand zirxên hebûna me ye’ li dar bixin.
“TEKNÎKA HERÎ MEZIN MIROV BI XWE YE”
Di saleke wiha girîng de bi taybetî di warê têkoşîna ciwanan de şopek li dîrokê hate hiştin. Berxwedana mezin a gerîla hişt ku em bi coş û hêviyek mezin derbasî sala nû bibin. Bê şik dema em pêvajoya siyasî dinirxînin, tê pêşbînîkirin ku îsal ji salên din saleke pir tundtir û serkeftîtir be. Di rastiyê de îro di pêşengiya berxwedana Gerîla de vejîna gelan û hembêzkirina gelan li hemû cîhanê pêk tê. Berxwedana îro ya li Zapê û hemû rêbazên şer ên li dijî teknîka dijminê faşîst hatin pêşxistin, careke din Rêber APO piştrast kir. Rêber APO got; “Teknîka herî mezin mirov bi xwe ye.” Gerîla Rêbertî îro di çarçoveya paradîgmaya APO de careke din îspat kiriye ku li hemberî her cure hovîtî, her cure sûcên şer û her cure teknîkê vîna mirovahiyê girîngtir û serketîtir e.
LI DIJÎ JIYANA KESÎ PARASTINA NIRXÊN CIVAK-EHHAKÎ
Rêhevalên hêja, weke ciwanên ku di serdemeke wisa dijwar de li Ewropayê dijîn û di encama polîtîkayên dijmin de neçar man koçî Ewropayê bikin, xeta me ya sereke xwedîderketina li helwesteke rêxistinî ye! Rêber APO bi dehan caran diyar kiriye ku di pergala îro de bi qasî av û xwarinê pêwîstiya ciwanên me bi rêxistinbûnê heye. Îro îdeolojiya herî tund û berbelav a Modernîteya Kapîtalîst azadiya takekesî û jiyana takekesî diparêze û weke nexweşiyekê belav dike. Ev yek weke polîtîkaya şerê taybet a kûrtir tê meşandin, bi taybetî ji bo ciwanên ku di lêgerîna nasnameyê de ne. Bingeha vê jî hewldana afirandina ciwanek fesadî, bêhiş, bê hest e ku nepirse û têkoşîn neke. Îro Zanistî, Zayendî, Olperestî û Neteweperestî ku çar stûnên Modernîteya Kapîtalîst in ku bingeha îdeolojiya wê pêk tînin, dibin sedema belavbûna faşîzm û ferdperestiyê li cîhanê. Ji bo vê jî dema nirxên exlaqî yên civakî neyên parastin, pêkhatina civakî jî di bin bandora îdeolojiya vê sîstemê de dimîne û nifşekî pûç û qirêj tê afirandin.
Weke Rêxistina Ciwanên Şoreşger em tekez dikin ku ji bo em li hemberî vê jiyana ku li ser me hatiye ferzkirin bibin xwedî helwestek rast û rêxistinkirî, pêwîste em weke ciwan bîrdozî û felsefeya Rêber APO belav bikin û zindî bikin.
NAVAROKA FÊSTIVALA ME
Festîvala me îsal jî wek her sal bi tûrnûvaya Futbolê dest pê dike. Her wiha çalakiyên werzîşê yên cuda jî hene. Di heman demê de îsal hunermendên rengîn jî derdikevin pêş.
Koma ÇAR NEWA, hunermendên zarokatiya her ciwanekî îsal dê di Festîvala me de bi me re bin.
Di heman demê de ÎBO QAMIŞLO ku herî dawî bang li ciwanan û bi taybet ciwanên Rojava kir û bi helwesta xwe li ber xwe dide, wê di Festîvala me de bi repên xwe yên şoreşgerî bi me re bibe.
MERAL ALKAN ku bi deng û nalînên xwe berxwedana Zarîfeyan bi bîr tîne, weke şopdarên serhildana Koçgiriyê û Zarîfeyan jî wê di Festîvala Ciwanan de cih bigire.
Ciwanê Dengbêjî yê Serhedê hunermendê ciwan RÊBER SERHED ku bi dengê xwe bandor li tevahiya Kurdistanê kir.
Hunermenda jin a ciwan BEYAN ku li hemberî polîtîkayên dijmin ên parçekirina Kurdistanê bi dengê xwe gelê Soranê meraq kir, wê bi zaravayê xwe yê soranî yê kurdî jî di Festîvalê de li gel me be.
“YÊ BAŞÎ KURD KURDÊ ORGANIZED E”
Bi giştî ez dixwazim bibêjim ku beriya Festîvala me 1 mehek hemû amadekarî di nava hewldanan de ne û hemû hevalên min ên di Komîteya Amadekar de bi coş û moraleke mezin van xebatan dimeşînin. Gotinek klasîk heye: “Sal çawa dest pê dike, ew çawa berdewam dike”. Bi saya berxwedana mezin a Gerîla me weke ciwan û jinên Kurd îsal bi coşeke mezin dest bi salê kir. çarçoveya pêngava Rêbertiyê.
Rêhevalên hêja, em weke ciwanên Kurd ên li Ewropayê dijîn çiqasî bê hêvî û bêmoral bin jî, divê em ji bîr nekin ku Rêber APO û şehîdên me bingeha hêz û vîna me ne. Bi vê boneyê em bang li hemû gelê xwe yê welatparêz û ciwanên şoreşger dikin, bila pîrozbahiya Newrozê ya ku îro ji sedhezaran derbas dibe, bidomînin û gotina dijmin a “Kurd qediya ye” an jî “Kurdê herî baş Kurdê mirî ye” têk bibin. Felsefeya Rêber APO “Kurdê herî baş Kurdê rêxistinkirî ye û em hêza xwe ya rêxistinkirî îspat bikin”. Rêhevalên min ên ciwan, serkeftin ji ya ku em difikirin wêdetir nêzîk e!”
Bernameya Festîvalê:
Hûnermend
-Wed Newa
-Îbo Qamişlo
-Meral Alkan
-Rêber Serhed
-Îbo Qamişlo
-Beyan
Bername
-Fûtbol
-Şah
-Folklor (Govend)
-Badminton
-Boks
-Pingpong (Tenîsa masê)
-Çalakiyên Kurdistanî (Lîstokên Kurdî)
Navnîşan: Wiesentalstrasse2, 79115 Freiburg
Dîrok: 25.05.2024
Dem: 10.00
