MÊRDÎN – Di danê sibehê de li navçeyên Stewrê û Artukluyê bi ser gelek malan de hate girtin û gelek kes hatin binçavkirin.
Îro di danê sibehê de cendirmeyan li navçeyên Stewrê û Artukluyê yên Mêrdînê bi ser gelek malan de girtin. Hat zanîn ku di serdegirtinan de deriyên malan hatin şikandin û gelek kes hatin binçavkirin. Kesên bi îdiaya “Propagandaya rêxistinê” hatin binçavkirin birin Fermandariya Cendirmeyan a Bajar.
Hat zanîn ku li ser telefonê li kesên di serdegirtinên malan de ne li malê bûn hate geriyan û jê hat xwestin ku ji bo îfadeyê biçin fermandariya cendirmeyan.
