NAVENDA NÛÇEYAN – Roja 21’ê Nîsana sala 1856’an de karkerên Awustralya ji bo 8 saetan kar bikin ku 12 heta 14 saetan kar dikirin xwepêşandanek li darxistin. Dema ku karkeran zanîn çalakiya wana encama bi xwe re tîne, hemû salek di wê rojê de ji bo bicîhanîna xwestekên xwe xwepêşandan lidarxistin. Ev yek weke çandek lêhat û li welatên din jî belav bû.
Bi pêşketina pîşesaziyê re karkirin zêde bû, lewma karkerê bi yek dolar û 50 sentan rojane 10 heta 16 saetan kar dikirin. Ti şert û mercên tendirustiyê yên karkirinê nebûn. Selametiya karkeran nebû. Bi awayek ne mirovane nêzî karkeran dibûn.
Di sala 1866’an de Komeleya Karkerên Navneteweyî dema karkirina karkeran 8 saet diyar kir û diyar kir ku sînorê yasayî yê dema karkirina rojane mercê pêşine.
Di 1’ê Gulana sala 1886’an de li Amerîka zêdetirî 340 hezar karkeran dest ji kar berdan û grev ragihandin. Piştî çend rojek polîsan di 4’ê Gulanê de li bajarê Haymarketê de êrîşê ser karkeran kirin û gelek karkeran jiyana xwe ji destdan.
Roja 1’ê Gulanê ji wê demê heta niha di vê rojê li seranserê cîhanê karker dadikevin qadan û bi çalakiyan daxwaza mafên xwe dikin. Heta niha jî li gelek welatan li dijî karkeran êriş pêk tên û bertêlê didin.
Roja 1’ê Gulanê wekî Roja Kedkarên Cîhanê hatiye nasîn, li 132 welatên cîhanê ev roj bi fermî weke roja bêhndanê hatiye pejirandin. Partiya Karkerên Kurdistan li ser wateya ked û nirxên kedkaran ava bû.
PKK Tevgerek Kedê Ye
Baweriya me bi mirovahiyê heye, em dizanin ku jiyana hêjayî
mirov heye.
Ji ber em pir kûr bi vê ve girêdayî ne, bi şêweyek ti partiyê de neyê
dîtin jiyana xwe fedayî mirovahiyê dikin.
Tevgerek ewqasî civakbûnê dijî, ji bo vê fedekarî û wêrektiyê pêş
dixe, bivê-nevê, tevgera herî sosyalîst a cewherî ye. Ji xwe serbilindiya
vê bûye para PKK‟ê. Ji ber vê xisleta bingehîn a partiya me, bê guman
em ê weke reşka çavê xwe biparêzin. Hemû şahadet li ser vî bingehîne
û ji bo vê ne. Berxwedêrî û fedekariyên herî mezin, hemû ji ber xêra
vê cewhera saxlem derketin holê û em mezin bûn. Li gorî mezinbûna
me jî bi parastin û xurtkirina vê cewherê ve pêk tê, em yeqîn dikin ku
di vê mijarê de jî peywirdarin. Em zanebûna vê kûr dijîn. Dîsa
biryardarî û pêkana vê jî di asta herî jor de ye.
Nêzîkbûna ku em jê re dibêjin tempoya xebatê û şêwaza lêdanê pir
pêş ketiye. Bi dahûrîna Rêber Apo re, ji banga; “Bi xwe re gel pêk bîne,
bi xwe re mirovatiya nû pêk bîne, ji bo vê jî xwe bike rastiya
mirovahiyê û ji bo vê jî çi hewce dike bike” re bersivek biçûk neyê
dîtin hatiye dayîn.
Ev rastiyên ku ji aliyê pir kêm hêza partiyê ve tên fêmkirin, ji vir û
şûn de bi tevkariyek hîn zêdetir ve wê pêl bi pêl di nava gelê me, gelê
herêmê û mirovatiyê de diyar bibe. Bi bilindbûna rastiya sosyalîzmê
ve girêdan, nêzîkbûnek zanistî jê re kirin, dibe rastiya me ya herî
bingehîn.
Tevgera me ya sosyalîst ku li ser vî bingehî derketiye holê û di roja
me de veguheriye partiya herî pêşketî, bê guman dê ji vir û şûn de jî
xurt, biryardar û bi şêweyek serkeftî ber bi armancên xwe ve bimeşe.
Ji ber vê em dibêjin; bersiva roja ked, yekîtî, pişgirî û têkoşînê ji 1‟ê
Gulanê re erênî hatiye dayin. Me girêdana xwe ya bi kedkarên cîhanê
tevan re domandiye, baweriya xwe ya li hember dîrok û rojaneya wê
raber kiriye. Em dibêjin ku; me pêşeroja xwe jî li ser vî bingehî bi
şêweyek herî baş bi biryar kiriye.
Bijî roja yekîtî, pişgirî û têkoşîna hemû kedkaran 1‟ê Gulanê!
1 Gulan 1993
ji pirtûka di sosyalîzme de îsrar di mirovbûyine de îsrar
